Май 2022 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Бөек Ватан сугышының тәмамлануына 77 еллык тантана бик кызыклы үтте. Талымхан авылы клубында ул көнне концерт булды. Авыл китапханәбез шул клубта урнашкан. Инде менә дистәләгән еллар дәвамында Рауза апа Азанова белем учагында хуҗабикә. Авылда нинди генә чаралар булмасын - «Үлемсез полк», «Митинг», концертмы, ул һәрвакыт кулына гармун тотып актив катнашучы.
Рауза апа Талымхан авылында Нурия апа һәм Зиннәтулла абый Речаповлар гаиләсендә дүртенче бала булып дөньяга килә. Сәләтле кызчыкны 6 яшеннән мәктәпкә бирәләр. Ул әле бик кечкенә булса да, калган классташларыннан калышмый. Талымхан сигезьеллык мәктәбен уңышлы тәмамлап, 9 һәм 10 нчы сыйныфларда Ямбай мәктәбендә белем ала. Апалары һәм абыйсы кебек 1979-1984 елларда ТДУның физика факультетында тырышып укый. Унбер ел дәвамында уку йортларында яраткан фәнен укыта. Ә 1995 елда тормыш сукмаклары аны китапханәгә алып килә. Менә 27 ел дәвамында Рауза апа авылдашларын үзенең яңа һөнәре белән шатландыра.
Хезмәт һәм тыл ветераннары, сугыш чоры балалары – аның китапханәсендә кадерле кунаклар. 2006 елда Бөтенроссия күләмендәге халык санын алуда актив катнашканы өчен аңа медаль бирелгән, «Хезмәт ветераны» исемен дә алган.
Китапханәче апаның кызлары Диләрә белән Алсу да югары белемле, оныкларының икесе Талымхан мәктәбендә белем алалар, берсе әле балалар бакчасында. Алар әбиләренең ярдәмчеләре, йортның яме дә.
Киләсе елга Рауза Зиннәтулла кызының матур юбилее булачак, ә аңача әле күпме эшләр, күңелле очрашулар, шатлыклы көннәр көтә аны һәм безне.
Рәйсә РӘХИМОВА,
Төмән районы, Талымхан авылы