Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Июнь аенда безнең 11нче сыйныф укучыларының чыгарылыш кичәсе үтте. Бәйрәм саубуллашу вальсы белән тәмамланды. Барлык көчебезне куеп, бөтен мәхәббәтебезне биреп тәрбияләгән кыз-егетләребез дәүләт имтиханнарын уңышлы “4” һәм “5”кә бирделәр.
Безгә укучылар белән саубуллашу аеруча авыр булды. Үзләре тыйнак, инсафлы, мәрхәмәтле. Киләчәктә дә тормышта үз юлларын табып, сайлаган эшләрен җиренә җиткереп башкарырлар дип ышанабыз.
Менә шундый укучыларның әти-әниләренә рәхмәт әйтәсе килә: Тубыл районы, Вәчир авылыннан Дания Хәтис кызы һәм Кәрим Әхмәтулла улына, Айсылу Равил кызы һәм Айдулла Рәис улына, Нешшә авылыннан Туктабикә Сәит кызы һәм Альберт Әнвәр улына, Ләңче авылыннан Гөлшат Ташмөхәммәт кызы һәм Сифгатулла Рәхмәтулла улына, Эльза Тимирхан кызы һәм Сәит Билал улына, Гомәйрә Сабирҗан кызы һәм Ришат Әбдрахман улына.
Балаларны шундый итеп тәрбияләү гаиләдән килә. Укучылар шулкадәр тәртипле, тырыш булдылар. Алар милләтебезнең ышанычлы киләчәге. Гел малайлар булсалар да, мәктәпне тәмамлаганчы начар гадәтләре булмады. Куйган максатларына ирешеп, теләгән уку йортларына кереп, бары тик шатлык-куанычлар белән укып чыгарга насыйп итсен. Барлык укучыларыма уңышлар теләп калам.
Гөлшат ТУРЫШЕВА, татар теле һәм әдәбияты укытучысы.
Тубыл районы, Вәчир авылы.
