Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Тубыл шәһәрендә яшәүче 4 яшьлек Марс Кутайгулов Бөек Җиңүнең 75 еллыгы уңаеннан оештырылган «Җиңү тәрәзәләре» бөтенроссия акциясендә катнашты. Карантинда утыргач, Марс Венера апасы белән бергә хәрби темага рәсемнәр ясыйлар, шигырьләр, җырлар өйрәнеп, әти-әниләренә концерт куялар. Чыгышларын аларның әтисе белән әнисе видеога төшереп, авылда яшәүче әби-бабайларына, туганнарына җибәрәләр. Тәрәзәне алар кәгазьдән кисеп ясаган торналар белән бизәделәр. Марс бик актив малай. Күптән түгел шәһәрнең «Синтез» мәдәният йортында шәһәр себер-татар мәдәният үзәге җитәкчелегендә уздырылган «Туган тел бәйрәме»ндә ул...
Түбән Тәүде районының Тарман авылы халкы да “Җиңү тәрәзәләре” акциясендә бик теләп катнашты. Биредә яшәүче 4 яшьлек Илзат һәм 5 яшьлек Илсаф Мачитовлар әниләре белән бергәләп тәрәзәләрен җиңү символлары белән бизәделәр. Карантин балаларга бик күп уңайсызлыклар алып килде. Чөнки алар өйдә мультфильмнар карап, пазллар җыеп кына утырырга яратмыйлар. Бигрәк тә бу кояшлы, җылы көннәрдә. Песиләре Муська һәм Снежинка урамга уйнарга чыкканда, аларның да ишек алдына чыгып, туктамыйча йөгереп аласылары килә. Ләкин әти-әниләре, сәламәтлекләрен кайгыртып, урамга чыгарга рөхсәт итмиләр. Илзат белән Илсаф узган ел 9...
Валя Котик 1930 елны Украина Республикасында крестьян гаиләсендә туа. Ул Шепетовка шәһәре мәктәбендә яхшы укый. Кызыксынучан, шаян малай була, мәктәпнең иҗтимагый эшләрендә актив катнаша. Бөек Ватан сугышы малайга мәктәпне тәмамларга мөмкинлек бирми. 1941 елны Валя 5 сыйныфны гына тәмамлап өлгерә. Тиздән Шепетовканы немец гаскәрләре камап ала. Бу вакытта егет фашизмга каршы көрәш башлый. Дус малае белән кырда ташланган коралларны җыеп, аларны партизаннарга озаталар. Валя немецларга берничә карикатура ясый, аларны шәһәрнең нәкъ уртасында ябыштыра.
Сугышның икенче елында малайны партизан...
Зөлфия һәм Рамил Нигъмәтуллиннарны күпләр беләләр. Алар икесе бик тырышлар, активлар. Аларны төрле ярышларда, мастер-классларда очратырга була. Тәмле шоколадлы бананнары, карамельле алмалары, сенсорлы телефонда оста итеп видеога төшерергә өйрәтү курслары белән таныш. Рамил оператор буларак та эшен дәвам итә. Гаиләдә 3 кыз үсеп килә.
Үзбикләнү вакытында да Нигъмәтуллиннар гадәти тормыштагы көн тәртибеннән читкә китмәскә тырышалар. Көн саен иртән зарядка ясыйлар. Кызлар атнасына 3 тапкыр бию түгәрәге җитәкчеләренә тренировкаларының видеонәтиҗәсен җибәреп торалар. «Ял саен тәртип ясыйбыз, тәмле...
Мин бабаем Әхмәтсәлим Исхаков турында берни белмим, ул әниемә 11 яшь булганда вафат булган. Документларны карагач, бабаебызның Бөек Ватан, Япон сугышларында катнашуын белдек. Моның турында хәрби билетындагы язулар, медальләре күрсәтә.
Сугышта катнашуы турында бабаем үзе сөйләвен теләр идем... Бабаемны һичкайчан күрмәсәм дә, Ватаныбызны безнең якты киләчәк өчен саклавына горурланам. Җиңү өчен рәхмәт сиңа, бабай!
Кече кызының оныгы Зөфәр ТУЗБАКОВ,
Ялутор районы, Яңа Атьял мәктәбенең 3 сыйныф укучысы.
Латыйфа белән Сафинә Маметовалар бәйрәмнәрне һәм каникулларны Уват районы, Өге авылында үткәрәләр. Әбиләре Рәйсә, бабалары Фәрук Мөхәммәдъяровлар яраткан оныкларын көтеп алалар. Латыйфа 2 нче сыйныфта укый. Мәктәпләрдә карантин башлануга ук әти-әнисе балаларын авылга алып барганнар. Хәзер Латыйфа онлайн-режимда укый. Компьютерны авылда әбисе белән бергә үзләштерә, өй эшләрен бергәләп эшлиләр. Дистанцион рәвештә укуның җиңел түгеллеген Рәйсә апа Юлиягә көн дә шалтыратып сөйли, хәлләрен белешә. Кызларның әниләре - табибә. Әтиләре Рөстәм сәнгать кешесе дә, оста төзүче дә.
Сафинә әле кечкенә, ул апасы белән...
(Әкият)
Бер көнне Бүре акылга утырган, иманга килгән. Кешеләргә яхшылык кына кыласы килеп тора икән. Ул хәтта изгелек кылу нияте белән бер татар авылына барып чыккан.
Әнә кырда кызу эш бара. Бер хатын, сабыен басу читенә утыртып куеп, башын да калкытмыйча чүп утый. Баласының елап-шыңшып утыруына да игътибар итми. Акылга утырган Бүре, әлеге хатынга ярдәм итәргә теләп, елап утырган бала янына килгән, аны төргәге-ние белән авызына кабып, анасы янына илтмәкче булган. Әмма авызына бала капкан Бүрене күреп калган халык аның ниятен аңламаган, акыра-бакыра куа башлаган. Бүре, баланы ташлап...
Тубыл районының татар авылларыннан балаларның видеога төшереп җибәргән чыгышларын Тубыл район үзәк китапханәсендә карадылар. Сәнгатьле шигырь сөйләүчеләрнең чыгышларын тыңлап жюри әгъзалары аларга бәя бирделәр.
Үзәк китапханә ел саен шигърият бәйгеләрен, патриот–шагыйрь Муса Җәлил иҗатына багышланган бәйгене зурлап үткәреп килде. Быел да традициягә кергән шигърият бәйгесендә җиңүчеләрнең чыгышларын видеодан караучылар балаларның тырышлыгын, татар телен яхшы белүләрен, шигырьләрне ихлас күңел белән сөйләүләренә игьтибар иттеләр.
Видеога төшереп җибәрелгән чыгышларны күз яшьләре белән тыңлаучылар...
Күптән түгел Төмән шәһәр татар мәдәният үзәгендә узган “Таң йолдызы” шәһәр балалар иҗаты бәйгесендә Максим Поповның чыгышын һәркем бик яратып карады. Ул халыкны гармун, гитара, курай, кубызы, сыбызгы, думбрада моңлы татар көйләрен оста башкаруы белән таң калдырып, тамашачылар мәхәббәтен яулады һәм 2 урынга чыкты.
Максим 9 сыйныфта укый, моннан башка ул музыка мәктәбенә дә йөри. Ул балачагыннан күренекле музыкант, оркестр-кеше исемен алган Әбүзәр Миннебаев җитәкләгән “Әмәл” фольклор төркемендә төрле музыка коралларында уйнап, җырлый.
Гитарада уйнарга аны Кырынкүл мәктәбенең музыка...
6 апрельдән мәктәп һәм уку йортларында карантин сәбәпле, студентлар һәм укучыларны дистанцион укыту башланды. Аларның күбесе онлайн-режимда укыйлар. Мондый белем алу ысулы белән әлегә таныш булмаган Алинә Зәйнетдинова бик борчылды, уйланды. Әти-әнисе тынычландырырга тырышып, бу эшкә бары җитди һәм зур җаваплылык белән генә карарга киңәш итәләр.
Үзбикләнү көннәрен Яркәү авылында яшәүче кыз файдасыз уздырмады. Ул гадәти режимын бозмыйча, иртә торып өй эшләрен башкарды, дәресләрен карады.
Аннары әнисе белән төче һәм итле бәлеш, пәрәмәч, капшырма, коймак пешереп әтисен сыйладылар. Ял иткән арада...
Балачакта, Советлар чорында, мәктәпләргә һәр елны апрель аенда каен бөресе (березовые почки) җыярга мәҗбүри йөкләмә бирделәр. Аны агач яфрак атканчы җыеп өлгерергә кирәк. Без, Түбән Тәүде районы, Киндерле авылы балалары, аякларыбызга “резина” итекләр киеп, бата-чума күмәкләшеп урманга бөре җыярга бардык. Елга аша күперне чыгып якындагы урманга түгел, чөнки анда бөре вак, ә авыл читендәге Шаракка төшәбез. Авыл өстә урнашкан, ә ул түбәндә. Шарак – очсыз-кырыйсыз урман, Тубыл районына тоташа. Монда бөре эре, җыясы җиңел, сагызы гына кулга ябыша. Шулай берничә тапкыр урманга барабыз. Авылдашлар...
Төмән шәһәрендә узган “Таң йолдызы” балалар иҗаты бәйгесендә Равилә Кармышакова быел да нәфис сүз остасы номинациясендә катнашып 3 нче урын алды. Үткән ел бәйгегә аны “Этнос” балаларга гомуми белем бирү үзәге укытучысы Наисә Камил кызы Гайнельянова әзерләгән иде. Ә бу юлы ул Төмән шәһәренең 52 нче мәктәбендә татар теле дәресләрен алып баручы Миләүшә Хәлит кызы Ниатбакиева ярдәме белән Муса Җәлилнең “Карак песи” шигырен сәнгатьле итеп сөйләде. Равиләгә 9 яшь, 3 “б” сыйныфында укый. Ул бик шаян кыз. Билгеләре яхшы, дәрестән тыш эшләрдә бик теләп катнаша. Тормышка позитив карашлы кызчык бигрәк тә математика, рус...
23 февраль - Ватанны саклаучылар көне. Бу көнне без илбасарлардан батырлык белән туган җиребезне саклаучыларны, хәзерге заманда җаваплы һәм авыр хәрби хезмәт үтәүчеләрне ихтирам итү йөзеннән рәхмәтебезне белдерәбез. Безнең малайларыбыз бик кыю, батыр булырга телиләр.
Төмән районы, Шыкча авылы балалар бакчасының “Гномики” төркемендә патриотик тәрбияләү проектының максаты - балаларны Россия армиясе һәм җәмгыятьтә аның роле белән таныштыру. Февраль буена бәйрәмгә әзерләндек: балалар шигырьләр ятладылар, хәрби җырлар, биюләр өйрәнделәр. Балалар бакчасының музыка һәм физик культура җитәкчеләре –...
Һәр елны Түбән Тәүде районы, Киндерле урта мәктәбендә 23 февраль – Ватанны саклаучылар көненә багышланган “Рәт белән тезелеп атлау һәм җыр смотры” исемле патриотик конкурс уздырыла. Һәр сыйныф спорт залының уртасына чыгып командага буйсынып хәрби күнегүләр күрсәтә, рәт белән тезелеп атлый. Һәр отрядның үз хәрби формасы, җыры, девизы бар. Жюри иң яхшы чыгыш ясаучыларга бәя бирә. Монда: “диңгезчеләр”, “чик сакчылары”, “шәфкать туташлары”, “десантчылар”, “партизаннар” һәм башкалар көч сынаша.
Быел 3 нче сыйныф укучылары “диңгезчеләр” булдылар. Укытучылары - Альбина Мәлик кызы Әхтәриева. Алар 2 нче...
Төмән өлкәсе мөселманнары дини идарәсендә дәресләргә йөрүче өлкәннәр һәм балалар өчен “ Коръәнне укы, иманыңны ныгыт!” исемле Коръән китабы турында бәйге үткәрелде. Балалар әниләре, әбиләре белән килделәр, арада бер-ике бабай, әти дә бар иде. Бүлмә тутырып халыкның күп булуы шатлыклы вакыйга булды. Сабыйлар: Әминә Рәсулова, Мәликә Мойдинова, Зарифа Алиева, Әминә Юсупова, Мәрьям Ботмотова, Минтимер Нәфыйков, Арслан Мортазин, Сәлсәбил Юсупова, Тимур Әлмөхәммәтов, Әминә, Әмир, Юлдашевлар катнаштылар.
Тактага “Коръәнне укы, иманыңны ныгыт!” дип язылган, стенага дөньяның күренекле шәхесләренә багышланган стенд...
