Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Озын гомерле әби-бабайлар – авылның горурлыгы, яшь буын өчен батырлык һәм сабырлык үрнәге. Өлкәннәребезнең гомер юлы сикәлтәсез, җиңел генә үтмәгән. Бөек Ватан сугышы китергән авырлыклар, якыннарын югалту ачысы, ат шикелле җигелеп эшләү – болар барысы да 80, 90 яшьләрен тутырган әби-бабайларның башыннан үткән сынаулар.
Шушы ел башыннан Тубыл районы, Күкрәнде авылында да юбилейларын тутыручы өлкәннәрне тәбрикләп үтү традициягә әйләнде.
Бөтен гомерләрен туган авылларында үткәргән юбилярлар - Насифә Кәүсәр кызы Ташбулатованы 90 яшьлек юбилее белән 8 январьда тәбрикләсәләр...
Дөнья яхшы кешеләргә бай. Үз гомеремдә андый кешеләрне күп очратырга туры килде. Шундыйларның берсе - Касыйм Хәлил улы Мусин. Ул Түбән Тәүде районының Эске авылында эшчән, тату зур гаиләдә туып-үсә. Бала чагыннан әти-әнисенә хуҗалыкта ярдәм итеп, үзеннән кече эне-сеңелләрен карашып үстерә. Шул заманның барлык авыл балалары кебек, совхозда тракторчы булып хезмәт юлын 16 яшеннән башлый. Армия сафларында хезмәт итә. Үз теләге белән 18 яшеннән кан бирүче булып китә. Бүгенге көндә аңа 66 яшь һәм әле дә елына 2 тапкыр кан биреп, кешеләр гомерен саклап кала. Менә шундый искитмәле, яхшы күңелле кеше...
Майсәрә апа белән сазлыклар арасында урнашкан ерак бер авылга барганыбызда таныштык. Шәһәрдән, районнардан кунак-төшем аларга киләләр икән. Авыл саен шундый кунакчыл йортлар була. Сәфәрчеләрне ашатып-эчертеп, хөрмәт итеп җибәргән хуҗаларны Аллаһы Тәгалә ярдәменнән ташламый. Үзләре дә тырыш, уңган булганга күрә, тормышларында бәрәкәт, муллык, өйләрендә тынычлык хөкем сөрә андый гаиләләрнең.
Инде Майсәрә апа белән Хәмит абый сиксәнне узсалар да, һаман да йөгерәләр, һаман да сафта. Яхшы күңелле, юмарт кешеләр картаймый диләр бит, бу сүзләр хактыр.
Сикәлтәле һәм чуер ташлы...
Бу көннәрдә Кактамак авылында яшәүче Рәкыя Сәлимгәрәй кызы белән Әхмәт Фатыйх улы Бикчәнтаевлар үзләренең Зәңгәр якут туйларын бәйрәм иттеләр. Авылның хөрмәтле парын котларга Бөтенроссия инвалидлар җәмгыятенең Ялутор районының иҗтимагый оешмасы рәисе Вера Вахменина, Аслана күчмә мәдәният комплексы һәм авыл мәдәният хезмәткәрләре, авылдашлары, якыннары җыелганнар иде. Вера Владимировна юбилярларга мөрәҗәгать итеп: “Сез 45 ел бергә гомер кичереп бер-берен чынлап яратучы, хөрмәт итүче, бербөтен гаиләгә әйләндегез. Киләчәктә дә бала-оныкларыгызның хөрмәтен, ихтирамын тоеп, бәхетле, парлы озын...
* Сөттә пешкән тәмле ботка ашыйсыгыз килсә, дөге, тары, солы кебек ярмаларның сөттә суга караганда озаграк бүрткәнен истән чыгармаска кирәк. Шуңа күрә аларны алдан суда күпертеп, аннары сөттә пешереп бетерергә кирәк.
* Шиңгән яшелчәләрне (үләннәрне) алдан кайнар, аннары салкын суга тыгып алып “терелтергә” була.
* Кулланып бетмәгән суганны нинди дә булса май белән сылап куйсагыз, ул сыйфатын югалтмаячак.
* Ачылган томат пастасын, аның капкачына аз гына горчица сөртеп, яки өстенә вак тоз белән май салып, күгәрүдән сакларга була.
* Каты итне квас, әчегән сөт, кыяр яки кәбестә...
Тубыл районы, Нешшә дигән авылда ун балалы Фазыловлар гаиләсендә биш ир малай арасында Изел исемлесе дөньяга килә. Аның әти-әнисе эшчән, тырыш, кунакчыл – барлык узган-барган – атлымы, җәяүлеме Фазыловлар гаиләсендә тукталып, кунак булып киткәннәр. Һәркемгә дә кайнар чәй, җылы аш, якты караш табыла бу йортта. Ирле-хатынлы Зәкиулла, Сәлия Фазыловлар сабырлыклары, акыллылыклары белән дә башкалардан аерылып торалар. Тупырдап үскән сәламәт балалар арасында Изел дә башта бернәрсәсе белән дә аерылмый. Яшь тулып тәпи йөри башлагач кына әти-әнисе андагы үзгәрешне сизәләр.
Баланың бер аягы...
1958 елның 29 декабрендә бер-берсен сөйгән ике яшь йөрәк тормыш юлына аяк басалар. Гаилә башлыгы булган Вил Бикмөхәммәт улы Таштимиров 8 бала арасында өченчесе булып, ә аның тормыш иптәше Каян Аилман кызы биш бала арасында икенче бала булып дөньяга киләләр.
Вил абыйның әтисе Бикмөхәммәт Нияз улы Акъяр җидеелык мәктәбендә директор булып эшләгән. Сугыш кырларында ул мәңгегә ятып калган. Әнисе Бибинур апа сигез баланы үз канаты астына алып үстерә.
Каян апаның әтисе Аилман да сугышта һәлак була. Биш баланы аякка бастырган Айниҗамал апа да сугышның ачысын–төчесен татыган...
Халкыбызның матур сыйфатларының иң мөһимнәре – тыйнаклык, сабырлык, мәрхәмәтлелек, татар җанлылык. Зур Акъяр мәдәният йортында 3 ел эшләү дәверендә миңа шундый гаилә белән бик якыннан танышып, бергә эшләргә туры килде.
Бу - Әлфирә апа һәм Фәрхәт абый Хәмидуллиннар гаиләсе.
Аларның токым тамырлары Зур Акъярга тоташкан.Гаилә башлыгы Фәрхәт абый Мотыйгулла белән Наҗия Хәмидуллиннарның беренче балалары. Әтисе Мотыйгулла Сафиулла улы сугыш кырыннан 1943нче елда яраланып кайта.
Аларның тагын дүрт балалары туа. Әмма әтиләре белән бергә тулы гаилә булып яшәүләре озакка сузылмый...
Төмән шәһәрендә яшәүче хезмәт ветераннары – Мәдинә Фәйзулла кызы һәм Әгъзам Мөхәммәтсадыйк улы Якубовларның иңне-иңгә куеп, дус-тату гомер кичерүләренә тиздән 65 ел тула.
Шушы парга сокланып карамаган кеше юктыр. Төмән шәһәренең Яңавыл өлешендә татарлар элек-электән тупланып, бердәм яшәгәннәр. Бер-берсе белән аралашкач, кемнең ничек яшәве һәркемгә мәгълүм булган. Мәдинә апа белән Әгъзам абый турында гел мактап сөйләгәннәрен ишетә идем. Ә менә үзләре белән очрашып, якыннан танышкач, дөньяда матур яшәү серләре ишекләре тулаем ачылгандай булды.
Аларның бергә кавышулары да кызыклы...
Төмән шәһәрендә үз йорты белән Сания Сәмигулла кызы Вахитова ипле генә көн күрә. Кайсы кеше картлыкка бирешми. Бу инде Сания апага кагыла. Ул җыйнак кына гәүдәле, биткә-йөзгә матур, бик текәлеп карамасаң, җыерчыклар да күренми. Тиздән 85 яше тулачагын кешедән ишетеп белмәсәң, һич тә ул яшьне аңа бирмисең. Кызы Гөлсөяр ярдәмендә узган еллар Кара диңгез буйларында ял итеп кайтса, быел махсус Казан каласына барып кайтканнар. Бигрәк тә әбигә Кол-Шәриф мәчете бик ошаган, андагы күргәннәрен, хис-тойгыларын сөйләп бетерә алмый. Кергән бер кешегә фоторәсемнәрне күрсәтә.
Бөтерчек кебек әле...
10нчы ноябрь көнне Абалак авылында яшәүче тыл һәм хезмәт ветераны Шакирә Әбүталип кызы Алеева 95 яшьлек юбилеен каршылады. Әбине хөрмәт итеп һәм зурлап Тубыл район, авыл хакимиятеннән, ветераннар советыннан, социаль яклау бүлегеннән вәкилләр котладылар. Авыл хакимияте башлыгы Вера Вахрушева котлауларны укып, күчтәнәчләр тапшырды. Аннары “Иртеш моңнары” ансамбле җырчылары җитәкчеләре Мәркизә Нәбиева белән әниләргә багышлап җыр башкардылар, юбилярга бүләкләрен тапшырып, изге теләкләрен юлладылар.
Шакирә әби һәркемгә рәхмәтен белдереп, теләкләр теләп утырды. Бүген Шакирә әби кызы...
Хәмзә Сафиулла улы Афлатонов Исәт районы, Югары Егәнле авылында 1920 елда туа. Аны бала чагыннан нәрсә булса да ясарга тарткан, яңа әйберләрнең ничек барлыкка килүе белән кызыксынган. Элек бит балта, кул пычкысыннан башка эш кораллары булмаган.
Сугышка кадәр Хәмзә Сафиулла улы колхозда эшләгән, соңрак аның агач эше белән кызыксынуын күреп, вак-төяк әйберләр ремонтларга бирә башлаганнар. Шулай итеп ул әкренләп агач эшенә өйрәнә.
Яше җиткәч аны армия сафларына алалар, ә аннан Ленинград фронтына җибәрәләр. 1943 елда Хәмзә авыр яралана һәм госпитальгә эләгә. Бик күп орденнар һәм...
Җир йөзендә нинди генә гаиләләр юк, һәркем үзенчә яши, һәрберсенең үз карашы. Гаилә төзү, ул кечкенә генә бер дәүләтне хәтерләтә. Ил башлыклары кебек гаилә хуҗалары да үз ояларындагы һәрнәрсәгә җаваплы.
Әйе, гаилә – ул җаваплылык, көндәлек хезмәт, зур бәхет һәм аны сакларга кирәк. Шулай ук гаилә мәхәббәтсез дә була алмый. Мәхәббәт ул һәр көн яңа төсләр, яңа хисләр белән тулыландырып торучы бергәлек иҗат, авыр чакларда сынала торган хис. Сине аңлаучы якын кешең белән бүлешкән шатлык, уңыш та икеләтә артык булып күренә.
Мәхәббәт - ул кечкенә кабыну түгел, ә озак, якты итеп, җылы...
Бу көннәрдә Төмән шәһәренең курчак театры залында “Ел гаиләсе – 2018” бөтенроссия бәйгесенең регионара этабында җиңүчеләрне тантаналы рәвештә котладылар. Гаилә җепләренең уңай тәҗрибәләрен тарату, гаилә байлыкларының абруен күтәрү һәм ата-ананың балалары алдындагы җаваплылыкны аңлату максаты белән оештырылган әлеге бәйге авыр тормыш шартларында калган балаларга ярдәм итү фонды тырышлыгы белән быел 3нче тапкыр уздырыла. Ә Төмән өлкәсендә “Ел гаиләсе – 2018” регионара бәйгесе социаль үсеш өлкә департаменты җитәкчелегендә үткәрелә. Бәйгедә – “Күп балалы гаилә”, “Яшь гаилә”, “Авыл гаиләсе”...
Шушы көннәрдә генә Төмән шәһәренең татар мәдәнияте үзәгендә никахлы татар туе гөрләп үтте.
Төмән Җәмигъ мәчете идарәсе җитәкчесе Галимҗан хәзрәт Бикмуллин гадәттән тыш моңлы тавышы белән Коръән аятен укып ачып җибәрде мәҗлесне, никах укып, ике яшь йөрәкне - Зөлфәт Фәрит улы Хәкимов белән Гөлназ Салават кызын кавыштырды, яшь татар гаиләсе барлыкка килде.
Чын мәгънәсендә могҗизалы туй мәҗлесе килеп чыкты. Төмән шәһәрендә яшәүче Фәрит белән Резидә Хәкимовларның уллары Зөлфәтнең Пыть-Ях шәһәрендә туып-үскән татар кызы Гөлназны көтмәгәндә очратуы, ике яшь йөрәкнең бер-берләренә бер күрүдә...
