Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
16нчы июнь көнне безнең Индәр авылында зур мәҗлес узды. Төмән мәчетләреннән кунаклар – Фатыйх хәзрәт Гарифуллин, Илдар хәзрәт Зиганшин, Рият хәзрәт килделәр.
Мәчеттә ифтар, догалар, тәравих намазларын укыдык. Авыл халкы, хатын-кызлар табын әзерләделәр һәм кунакларны тәмле пылау, аш белән сыйладылар.
Фатыйх хәзрәт, Маслау авылы мәчетеннән Рият абый, Илдар хәзрәт Зиганшин һәм укучысы намаз укып, безгә вәгазьләр сөйләделәр.
Төмәннән сарык алып килгәннәр иде. Хатыннар токмач кисеп, тәмле ашлар, ә ирләр мәчет янындагы махсус урында пылау пешерделәр. Авыз ачып, ахшам намазыннан соң ризык тулы өстәлләргә авыл халкын да чакырдылар.
Әйбәтләп сөйләшеп утырдык. Аннары азан әйтеп, догалар укып, намазлар белән кичне тәмамладылар.
Изге Рамазан аенда кылган гамәлләр чынга ашсын, исән-имин булыйк, шулай итеп тагын күрешик, дөньялар тыныч булсын.
Тания АЙБАТОВА, Вагай районы, Индәр авылы.
