Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
(Шаярып кына)
Хатын-кызлар, сезсез сансыз
Бу тормышта ир-егет;
Тик шулай да яшәештә —
Аларда безнең өмет.
Эзли, таба һәм китерә
Акчасын һәм табышын;
Хатыны – сөеклесенә
Күтәрмәс ул тавышын.
Бүләк-сәламсез калдырмас
Сигезенче март көне.
Елда өч йөз алтмыш биш көн...
Яратыр көне-төне.
Кем калдырсын бердән-берен
Елга бер хөрмәтеннән:
Кер дә юар, аш пешерер...
Юк итмәс рәхмәтеннән.
Калган өч йөз алтмыш дүрт көн
Көне-төне чабабыз.
Гаилә өчен җан атабыз.
...Нишлик, калсак чарасыз.
Хатын-кыз күпмегә лаек,
Белгән бармы чамасын?
Чама белмәгән ирләргә
Табыйк микән чарасын?..
Без кабыргадан ясалган.
Бар, шөкер, муеныбыз...
Ир затларын кирәк якка
Күпме борып торырбыз?
Ел дәвамы хөрмәт итсен,
Гел акча табып торсын.
Карамасын “уңга-сулга”,
Синеке генә булсын.
Әйдәгез, хатыннар, ирне
Яратса,уңга борыйк;
Үз бурычларын онытса,
Сулга да борып карыйк.
Шаярып кына язсам да
Төпле дөресе дә бар.
Дөнья көтү ир-зат белән
Белсәң, дәресе дә бар.
Хатыннар! Исән булыгыз
Ирләрнең бәхетенә;
Утырырга лаеклы сез
Гаиләнең тәхетенә.
ЗИЛӘ.
