Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Түбән Тәүде районы, Киндерле авылында туып-үскән якташыбыз, Татарстан Республикасының язучылар берлеге әгъзасы шагыйрь Шәүкәт Гаделша (Сибгатуллин) белән бу көннәрдә телефон аша сөйләштек. Шәүкәт Гаделша улы озак еллар Казанда яши, сәламәтлеге аркасында инде 3-4 елдан артык туган ягына кайта алмады. Сөйләшкәндә Себергә сагынуы сизелде. Авылдашы буларак, башта Киндерле халкын, авылдагы яңалыкларны сорады. Бар да яхшы дигәч, чын күңелдән шатланды. Авылдашларына, ”Яңарыш” газетасы редакциясенә, барлык милләттәшләренә зур сәлам тапшырды. Иҗаты турында сораштык.
- Инде олыгайгач фикер дә, уйланулар да башка. Илһам туып 400 шигырь яздым, ике китап бастырырга торам. Алар дөнья күргәч, сезгә, кадерле якташларыма, җибәрәчәкмен. Алла боерса, җәйгә кайтып килергә исәп, - дип сөйләде ул.
Шәүкәт абыйга киләчәктә корычтай сәламәтлек, иҗади уңышлар, гаилә бәхете, яңа шигырьләре белән куандыруын телибез. Киләсе очрашуларга кадәр!
Диләфрүз ФӘХРЕТДИНОВА.
