Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Көтмәгәндә шомлы хәбәр килде:
Басып кергән дошман илемә.
Кавышалмый парлар ятып калды,
Китте егет утның эченә.
Авыр булды илем улларына,
Аямый бит сугыш беркемне.
Ятып калган гүзәл ярларына
Көтү генә тәкъдир хөкемен.
Күпме күрде адәм балалары
Ул дәһшәтле сугыш еллары.
Ач карынга йөгереп башак чүпләп,
Яланаяк эзләп ашарга.
Өсләрендә кием булмаса да,
Йөгерделәр якын урманга.
Хәлләренчә бераз утын сөйрәп,
Җан җылысын азрак сакларга.
Ач, ялангач, ябык булсалар да,
Дуслык белән өмет дәрт бирде.
Ерактагы сугыш кырларыннан
Беркөн менә шундый хат килде:
“Гүзәл ярым минем, исәнмесез,
Төшләремдә күреп юанам.
Язган булса әле кавышырбыз,
Киләчәккә мин бик ышанам.
Тар-мар итеп дошман гаскәрләрен,
Җилфердәтеп кызыл байракны,
Алып киләм сезгә җиңү язын
Һәм мәхәббәт тулы йөрәкне”.
“Ярый җаным, сине көтеп алдым,
Рәхмәт сиңа, минем лачыным.
Бик күпләре анда ятып калды,
Аямый бит сугыш беркемне...
Кавышырга безгә язган икән,
Яшәдек без белеп кадерен.
Саф һавалар сулап, рәхәтләнеп
Көтеп алдык тәүге көннәрне.
Хәзер инде күптән әби-бабай
Каршылыйбыз Җиңү бәйрәмен.
Тәнзилә ЮСУПОВА.
