Акыллы уйлар

Подробности

Опубликовано 09.06.2017 13:50

Просмотров: 567

- Кадереңне белмәгән кешегә табынырга кирәкми, барыбер үз бәхетең килеп чыга. Көндәлек тормыш алып бару, бер-береңә хөрмәт – менә шунда ярату, мәхәббәт яши. Иң кирәге әнә шул. Бер-берегезне яратсагыз, ышансагыз, курыкмыйча яшәгез, кеше сүзенә карамагыз, калганын тормыш үзе көйли ул. Ни генә булмасын, тормыш безне үзе өйрәтә.

- Кешене белү өчен бергә күп еллар яшәргә кирәк, аннан соң да бит әле аның билгесез яклары ачылырга мөмкин. Язмыш ара-тирә һәрберебезгә сынаулар җибәреп тора. Берәүләрне кечкенә генә кыенлыклар да аяктан ега. Икенчеләр исә, кеше күтәрә алмас кебек тоелган авырлыклардан да сыгылмый.

- Тормышны яңа баштан башлап, югалтканнарны кире кайтарып булмый шул. Хәтта исән булсалар да. Менә бусы инде акчага сатылмый. Шулай ук ярату, хөрмәт, ихтирамны да акча белән генә үлчәп булмый. Яратып, яратылып, икең бер карашта булып, бергә иңне иңгә куеп яшәсәң иде ул! Хыял һәм чынбарлык арасы бик ерак. Кеше моны узе аңлый, ләкин йөрәге аңламый шул.

“Мәхәббәт – ул йөрәк эше” сайтыннан.