Иренең проблемасын хатын-кыз оста чишә ул...

Подробности

Опубликовано 12.04.2019 00:00

Просмотров: 607

Беркөнне 50 ел гомер иткән хатыныма карап-карап тордым да: “50 ел элек безнең кечкенә генә йортыбыз, иске машинабыз бар иде. Без тар диванда икәү ятып аклы-каралы телевизор карый идек. Әмма мин һәр кич саен ятакка 19 яшьлек чибәр кыз белән ята идем. Ә хәзер минем заманча җиһазланган зур йорт, 2-3 кыйммәтле машинам бар. Затлы йокы бүлмәсендә зур карават тора, киң экранлы телевизор карыйм. Тик менә һәр кич саен йокларга 69 яшьлек хатын янына ятам. Бу ни хәл? Мин никахымда шикләнә башлыйм...” – дидем. Тормыш иптәшем бик акыллы хатын, бу сүзләремә һич тә ачуланмады. Ул тыныч кына үземә 19 яшьлек гүзәлкәйне табарга киңәш итте. Ә инде минем электәге кебек кечкенә йортта яшәвем, иске машинада йөрүем, басып изелгән диванда йоклавым, аклы-каралы телевизор каравым турында үзе кайгыртачагын әйтте. Ничек инде сокланмыйсың ди бу хатын-кызларга! Алар ирләренең проблемаларын чишү юлын бездән яхшырак беләләр инде!

Интернеттан.
(Рәүфә КАНГАЗИНА тәрҗемәсе).