Кызым, сиңа әйтәм, киленем син тыңла!

Подробности

Опубликовано 13.03.2020 00:00

Просмотров: 567

- Иртән кояш белән торып, тәрәзәңне кояшка ачсаң - йортыңа бәрәкәт килер.

- Тәрәзәләрне вакыт-вакыты белән сөртеп, көзгеләрне пакь тот - фәрештәләр куаныр.

- Юлга чыкканда догаларыңны укып, пакьләнеп чык - юлың уңар.

- Гөлләр үстер йортыңда - сабагына фәрештәләр куныр.

- Ачулы чагыңда юын - басылырсың.

- Кычкырып елау мәрхүм янында да тыела, артык шашып көлү дә тыела, артык кайгыру һәм куану да зиһенгә зыян итер.

- Акчаңны алган көнендә өйдә кундыр, бәрәкәтле булыр.

- Яшь балага карап сокланганның киеменнән җебен яки чәчен алып кал, төнлә бала уянып еласа, шул җеп яки чәч белән төтәтеп, Аятел-Көрси укы, туктар елаудан.

- Бала киемен, уенчыкларын идәннән аяк астына алып куегыз, сау булыр.

- «Бисмиллаһ»ны әйтеп пешеренсәң, өеңдә фәрештәләр куаныр. Сүгенми, ачуланмый пешерен - фәрештәләр канат очын ашыңа тыгып торырлар.

“Сөюемне җырым аша юллыйм!”