Мәхәббәт турында фикерләр

Подробности

Опубликовано 08.09.2017 08:19

Просмотров: 1085

- Мәхәббәте аз булган кеше мәхәббәт турында күп сөйли. Яратырга сәләтле кеше сөйләми. Ул - ярата.

- Маңгайга язылганны кул аркасы белән сыпырып төшереп булса, һәркем бәхетле булыр иде бу дөньяда. Кайгы-сагышларга батып, михнәт чигеп, авыр тормышка уфтанып яшәүчеләр дә булмас иде. Тик нишләмәк кирәк, бәхет дигәннәре тигез итеп бүленеп бирелмәгән шул.

- Кызганыч, киләчәкне алдан белеп булмый. Ни күрәсебезне белсәк, кайсы күперне узасын, ә кайсын яндырасын белер идек. Юк шул, бүгенге көн белән яшибез. Уйланылмаган хаталар ясыйбыз, соңыннан гына шул хаталарыбыз өчен үкенәбез.

- Күзләр - күздә, куллар - кулда, авызлар ерык, татлы сөю сүзләре... Яшь гашыйкларга моннан да зур бәхет бармы икән дөньяда?!

Лилия САТТАРОВА.