Тормышта кирәк ырымнар

Подробности

Опубликовано 27.04.2018 00:00

Просмотров: 616

- Никах балдагын киеп карарга беркемгә дә рөхсәт итмәгез. Үзегез дә башка кеше балдагын киеп никахлашмагыз. Кияү белән кә­ләшнең икесенең дә балдаклары бер үк төрле металлдан эшләнгән, бер үк көнне, бер үк кибеттән сатып алынган булсын.

- Туйга кадәр күлмәк һәм фатаны да башка кеше киеп карамасын. Туйдан соң аларны сатарга яки бирергә ярамый. Болай эшләү гаиләдә низаг чыгара һәм аерылышуга ук китерүе ихтимал, дип санала.

- Язылышкан вакытта балдакны ялгыш төшереп җибәрсәң нишләргә? Кул астыгызда гына ак җеп булса яхшы. Төшеп киткән балдакны иелеп алгач, җепне аның аша чыгаралар, шуннан соң аны курыкмыйча кияргә була. Туйдан соң балдакны төшереп җибәргән кеше ул җепне яндыра. Яндырганда, барлык кайгы-хәс­рәтләрем янып бетсен, дип теләргә кирәк.

- Гаиләдә муллык булсын өчен, кияүнең – уң, кәләшнең сул аяк киеме эченә тимер акча салып калдыралар. Туй узгач, акчаны талисман итеп саклыйлар.

- Кәләшне озатканнан соң, аның өендә идән юалар. Никахы бәхетле булсын һәм ул кире әйләнеп кайтмасын өчен шулай эшләнә.

UFA_TATAR.