Яратамы, яратмыймы – гамәленә карап бел!

Подробности

Опубликовано 26.10.2018 00:00

Просмотров: 504

Егет белән кыз арасындагы мөнәсәбәтләрнең ныклыгын “тән теле” (язык тела) аша да белеп була. Менә аларның кайберләре:

- Әгәр сез якыныгыз янында басып торганда кулларыгызны кесәдә тотасыз, аяклар бер-берсенә кушылган, аркагыз артык бөгелгән икән, бу янәшәдәге кешегезгә карата кызыксыну булмау турында сөйли.

- Әгәр якыныгыз күзегезгә туры карамый, үзара диалог башланганчы башка берәү белән телефоннан сөйләшә башлый, сез нәрсәдер сөйли башлагач, бүлдерә яки тыңламый икән, бу аның сезгә карата битараф булуын күрсәтә. Уй-фикерләрегез белән уртаклашырга теләмәве дә яныгызда сезгә кирәкле кеше булмавын аңлата.

- Кешеләр борчылганда, курыкканда, нервланганда муеннарын каплый яки аңа кагылып узалар. Якын кешегезнең мондый гадәтенә игътибар иткәнсез икән, ул сездән нәрсәдер яшерә, дигән сүз.

- Дус кеше якын итеп кенә аркага сугып куярга мөмкин. Ә менә яраткан кешегез йомшак итеп кочаклап аласы урынга, аркага сугып куя икән, монда уйланырга җирлек бар. Гашыйк парлар алай эшләми.

- Гашыйк парлар арасында идеаль аралык итеп 0-45 см ара исәпләнә. Әгәр берегез ераграк йөрергә ярата, артык терәлеп барырга, кулдан тотарга теләми икән, шулай ук уйланырга җирлек бар. Яраткан кешеләр бертөрле адым белән, бер линиядә атлап барырга тырыша.

“Акчарлак”.