Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Төмән янындагы “Жемчужина Сибири» кышкы спорт төрләре үзәгендә 4784 кеше катнашында “Корыч характер” экстремаль йөгереше оештырылды. 18 яшьтән 70 яшькәчә теләүчеләр 8 чакрымдагы 25 киртәне үттеләр. Киртәләр исемлегенә биек коймаларга менү, пычрактан чыгу, салкын суга сикерү, чәнечкеле тимерчыбык астыннан шуышып үтү, шикелле сынаулар кергән.
- Бу йөгереш Төмәндә башлангыч алып, хәзер башка шәһәрләрдә дә яратып кабул ителә. Тиздән ул Екатеринбургта уздырылачак. Ләкин безнеке иң күп санлы булып кала бирә. Ел саен катнашучылар арта.
9 июль көнне Тубыл шәһәренең Александр бакчасында себертатар мәдәният үзәге оештыруы, шәһәр хакимияте, мәдәният һәм туризм буенча шәһәр комитеты матди ярдәме белән Сабантуй бәйрәме гөрләде. Тубыллыларны һәм районнан җыелып килгән кунакларны шәһәр мәчете имамы Ибраһим хәзрәт Сухов, шәһәр башлыгы урынбасары Яна Зубова, милләтләр эшләре буенча өлкә комитеты белгече Вилдан Якупов һәм Татарстан кунагы – туризм буенча дәүләт комитеты рәисе урынбасары Артур Әбдрәшитов котладылар. Аннары төп сәхнәдә шәһәр, район, Төмән шәһәре татар мәдәният үзәге җырчылары тамашачыларга бүләк итеп матур җыр-биюләр башкардылар.
Юбилей уңаеннан «Синтез» мәдәният сараендагы тантанада шәһәрнең элекке җитәкчесе, хәзер милләтләр эшләре буенча өлкә комитеты рәисе Евгений Воробьев “Тубыл шәһәренең Мактаулы гражданины” исеме, өлкә Думасы депутаты Юрий Конев “Шәһәр алдындагы хезмәтләре өчен” истәлек билгесе белән бүләкләнә (рәсемдә).
Бәйрәмнең төп чаралары шәһәрнең күренекле шәхесләре, тарих битләрендә тирән эз калдырган А.Алябьев, Д.Менделеев, В.Перов, С.Ремезовка багышланган мавыктыргыч, күңелле чаралар белән бизәлеп һәм баетылып үтте.
2017 елның икенче яртыеллыгына газета-журналларга язылу тәмамланды. Гадәттәгечә, ярдәмчеләребез тырыштылар, хәлләреннән килгәнне эшләделәр. Аларга һәм даими укучыларыбыз - ярты ел саен почта бүлекләренә барып, “Яңарыш”ка язылу турында квитанцияле булучы якын дусларыбыз, чын татарларыбызга чиксез рәхмәтебезне белдерәсе килә. Алдагы ярты елда безнең белән булучылар санын татарлар күпләп яшәгән төбәкләргә бүлеп карасак, татар милләте өчен кайгыртучы, аның энтузиастлары, аның рухын саклауда үзләреннән зур өлеш кертүчеләр кая күбрәк яшәгәне аңлашыла: Ялутор районы һәм шәһәре нә - 249 данә (2016 елның икенче яртыеллыгында – 267), Заводоуковск - 11 (9), Юрга - 1 (1), Голышманово - 1 (1), Аромашево - 31 (22), Төмән шәһәре - 334 һәм районы - 530 (970), Исәт - 8 (10), Түбән Тәүде – 164 (195), Яркәү - 303 (319), Тубыл районы һәм шәһәре - 604 (659), Вагай - 387 (399), Уват районына - 11 (13) газета киләчәк.
1 июль көнне “Наследие” өлкә иҗтимагый оешмасы җитәкчелегендә, бөтендөнья татар Конгрессы, район хакимияте, эшмәкәрләр – Дамир Ибраһимов ,Чанахетдин Шәмсетдинов, Тубыл шәһәренең “Бәхетле” кафесы матди ярдәме белән Вагай районы, Күбәк авылы мәчете мәйданчыгында “Күчем хан оныклары” себертатар яшьләре форумы үтте. Ул – халык үзенең милли геройларын, тарихын, гореф-гадәтләрен белсен, горурлансын, өйрәнсен һәм аларны буыннан-буынга тапшырсын, туган телне, туган туфракны онытмасын дигән максат белән оештырылды. Бәйрәмгә өлкәбезнең төрле төбәкләреннән һәм Казан, Омск, Новосибирск шәһәрләреннән дә кунаклар килделәр.
Төмән районының Талымхан мәдәният йорты базасында шөгыльләнә торган “Вак бәлеш” фольклор коллективы Татарстан Республикасы халыкларының традицион уеннары I балалар Республика фестиваленә барып кайттылар. Аларны Татарстан Республикасының традицион мәдәниятне үстерү үзәге директоры, атказанган сәнгать эшлеклесе Фәнзилә Җәүһәрова чакырган иде. 2015 елда декабрьдә генә оешкан ансамбль тиз арада танылу алды. Аның җитәкчесе Ислам Сафин балалар, өлкәннәр белән бергәләшеп элекке әйтемнәр, такмаклар, уеннарны барлады. Үзе дә алар белән бергәләшеп себертатар телен өйрәнде.
Жители Тюменской области оплатят ЖКУ по льготным тарифам. 1июльдән торак-коммуналь хезмәтләре өчен тагын тарифлар күтәреләчәк. Ләкин яңа льготалы тарифлар кертелү сәбәпле, төмәнлеләр әзрәк түләячәкләр. Мәсәлән, 1 июльдән җылылык энергиясе өчен тариф 1610,68 сум (НДС белән бергә) тәшкил итсә, төмәнлеләр өчен ул 1193,45 сумга төшәчәк. Әлеге аерма өлкә бюджетыннан ябылачак. Шулай ук һәркем квитанциядәге өстәлгән сумманы тикшерә алачак. Бары тик кулланган ресурс күләмен тариф белән тапкырлагач, цифралар төгәл килергә тиеш.
“Яңарыш” газетасын гадәти форматта укырга ияләндегезме? Ә инде бүгенге көннән яңа санны башкалардан алдарак pdf-форматта укырга мөмкин. Аны электрон почтагызга җибәрәчәкбез. Кәрәзле телефон, планшеттан һәм компьютердан үзегезгә уңайлы теләсә кайсы вакытта яраткан газетагызда чыккан материаллар белән танышып бара аласыз.
Электрон газетага язылу бәясе:
1 айга – 35 сум; 6 айга – 210 сум; 1 елга – 420 сум.
Сез акча түләп, килешү төзүгә “Яңарыш”ның сез теләгән саны үзегез җибәргән электрон адреска юлланачак.
Килү өчен “Яңарыш”ның адресы: Төмән шәһәре, Шишков урамы, 6нчы йорт.
Электрон адресы: Этот адрес электронной почты защищен от спам-ботов. У вас должен быть включен JavaScript для просмотра.
Белешмәләр өчен телефон: 8 (3452) 69-57-60
