Январь 2020 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Декабрь аенда мәчеттә Зарифҗан Нигъмәтҗан улының рухына багышланган Коръән ашы уздырылды. Зарифҗан абый белән Зәйтүнә апа 2 егет, 5 кыз тәрбияләп, тормыш авырлыкларына карамастан, укытып тормыш юлына бастырдылар. Кайберсе техникум белеме белән чикләнмичә, читтән торып югары белем алдылар. Һәркайсы яраткан һөнәрләре белән хезмәт итеп, лаеклы ялга китеп ял итәләр, тик иң кечкенәләре Әскәр генә пенсия яшенә җитмәгән, эшен дәвам итә. Барсы да җитеш, хәлле тормышта яшиләр, бер-беренә ярдәм кулларын сузарга әзер торалар. Аларның әти-әниләре авылыбызның хөрмәткә лаек кешеләре иде, күпләр алардан үрнәк алып яшәргә тырыштылар, биргән киңәшләрен, эшләгән яхшылыкларын искә төшереп яшиләр. Зарифҗан абый өлкән яшендә булуына карамастан, муллалык вазифасын да алып барды, шул ук вакытта терлек фермасында ветеринар хезмәтен дә үтәп, авыру бозауларны да дәвалады.
Бик кешелекле, кече күңелле, эшчән, ярдәмчел иде, авыл халкына кулдан җылы, йомшак итекләр дә басып киертте. Абый белән апа татулыкта бергә гомер кичерделәр, 7 бала да шуны күреп үстеләр. Быел туганнар барсы да җыелышып киңәшеп, Киндерледә читтән алып килгән мәетне юар өчен йорт төзеттеләр. Килгән кунакларга тәһарәтханә бар.
Динара ХӘБИБУЛЛИНА, Түбән Тәүде районы, Киндерле авылы.