“Абилимпикс”та милләттәшебез дә катнашты

Подробности

Опубликовано 07.10.2022 06:00

Просмотров: 209

«Массаж» компетенциясе «Абилимпикс» төбәк хәрәкәте исемлегендә беренчеләрдән булып барлыкка килде. Елдан-ел катнашырга теләүчеләр артты. Хәзер төбәктә «Абилимпикс» милли чемпионатының призерлары күп.

Данис Исхаков беренче тапкыр 2018 елда «Абилимпикс» төбәк чемпионатында белгеч буларак катнашты. Ул вакытта егет 2 нче урынны алды. Алдагы елда үз категориясендә төбәк этабында җиңүче булды, сайлап алу узды, ә чемпионат финалында бишенче баскычны яулады. Ләкин ул моның белән тукталмады һәм быел кабат финалда җиңү өчен көрәшергә уйлады.

Ярышларда катнашудан тыш, Данис «Абилимпикс»та төбәк яшьләр советы рәисе булып тора. Ул хәрәкәтне үстерергә булыша, яшьләрне җәлеп итә: «Мин «Абилимпикс» хәрәкәтенең перспективалары һәм мөмкинлекләре турында бик теләп сөйлим. Чөнки мөмкинлекләре чикле кешеләр арасында энергияле һәм максатчан кешеләр күп», - дип сөйләде ул.

Данис - практик массаж ясаучы. Аның үзенең массаж ясый торган мастерское бар. Ул шулай ук остаз да әле. Үз укучысын ул җиңүгә өйрәтә, аңлата.

Ярышларда икесенә дә уңышларга ирешергә насыйп булсын!

Интернеттан
(Гөлнур ВӘЛИЕВА тәрҗемәсе)