Август 2020 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Өлкәбездәге “Яңарыш” татар газетасы озак еллардан бирле Татарстан бүләге – укучыларыбыз яратып көтеп алган “Без бергә” кушымтасы белән чыга. Анда татар дөньясы, күренекле шәхесләр турында язмалар, файдалы материаллар урын ала.
Илебездәге ике иң алдынгы төбәк татарлары даими аралашып, тәҗрибә уртаклашып яшиләр. Тарих, тел, мәдәният, гореф-гадәтләрне саклау, үстерү юлында бергәләшеп эшләү генә уңай нәтиҗә бирәсен күп еллык эшчәнлек раслап тора. “Мәркәзебез Казан”, дип яратып, хөрмәт итеп әйтәбез.
Төмән өлкәсе татарлары Татарстан Республикасында яшәүчеләрне 100 еллык олы юбилейлары белән ихластан тәбриклиләр. Экономик, социаль, мәгариф, сәламәтлек саклау, спорт өлкәсендә ирешкән уңышларына куаналар. Халыкларның милли-мәдәни, телләрнең күптөрлелеген саклап калуда, тормыш шартларын яхшыртуда, авыл хуҗалыгын үстерүдә, цифрлаштыруда мактаулы эшләре турында беләләр. Әлбәттә инде данлы тарих турында да онытмыйсыз. Гел шулай алга бар, горурланырлык Татарстаныбыз! Рухи мәркәзебез булып кал! Татар дигән халыкның көче, намусы булып озак яшә!
Гөлнур ВӘЛИЕВА.