Сентябрь 2017 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Июнь, август айларында авылыбызның олы, хөрмәтле абый-бабайлары мәңгелек йортларына күчтеләр. Нурулла абый Бикмуллин (86 яшь) колхозда, соңыннан совхозда эшләде. Гомеренең яртысын Бухтал совхозының Казанлы бүлегендә пилорамада хезмәт итте. Пенсиягә дә шуннан чыкты. Эше авыр иде, үзлегеннән өйрәнеп динне дә алып барды. Күп еллар авылның дин әһеле, мулла булып торды. Бу эшләрендә таянычы, булышчысы тормыш иптәше Тәнзилә апа (мәрхүмә) булды. Бергәләп бик тырыш, мәрхәмәтле 6 бала, 1 онык үстерделәр.
Илдус абый Җаббаровның (82 яшь) гомере балалар, мәктәп белән бәйле булды. Үзенең укуы буенча татар теле, әдәбияты дәресләрен алып барды. Укытучылар җитмәгәндә тарих, география, физиканы да укытты. Соңгы елларда мәктәп директоры булып эшләде. Җәмәгать эшләрендә күп катнашты. Иптәше Зөлфия апа белән өч тырыш, булган балалар үстерделәр. Ике гаиләдә дә бер-берсенә булышып, терәк булып яшәделәр. Соңгы юлга зурлап озаттылар. Гомумән, безнең татар халкының гореф-гадәте саклана: картларны олылыйлар, авырганда урыннары түрдә, соңгы юлга кычкырышмый-эчми озаталар. Казанлы шундый авылларның берсе!
Туфраклары җиңел, урыннары якты булсын бабайларның.
Зилә РАМАЗАНОВА, Түбән Тәүде районы, Казанлы авылы.