Бөтендөнья татарча диктант – 2017

Подробности

Опубликовано 24.11.2017 17:03

Просмотров: 441

25 ноябрьдә 9 илдә һәм 20 төбәктә “Татарча диктант» акциясе узачак. Акциянең максаты – татар телендә хатасыз язарга өйрәтү, әдәби татар телен кулланучылар даирәсен арттыру, орфографик һәм грамматик хаталарны тикшерү. Һәр теләгән кеше диктант язуда катнашып татар телен белү дәрәҗәсен тикшереп карый ала.

“Татарча диктант” – татар телендә хатасыз язарга өйрәтү, әдәби татар телен кулланучылар даирәсен арттыру, орфографик һәм грамматик хаталарны тикшерү мәсьәләләренә игътибарны арттыручы белем бирү акциясе.

«Татарча диктант» 9 илдә һәм 20 төбәктә узачак: Казан, Мәскәү, Санкт-Петербург, Ижау, Уфа, Екатеринбург, Төмән, ХМАО, Новосибирск, Сарытау, Иваново, Самара, Пермь, Омск, Мари Эл, Әстерхан, Иркутск, Волгоград, Алтай һәм Казахстан, Кыргызстан, Германия, Гарәп Әмирлекләре, Украина, Чехия, Әзербайҗан.

Акция Төмәндә 25 ноябрь көнне 12:00 сәгатьтә Төмән дәүләт университетының информация-китапханә үзәгенең Губернатор залында (адресы: Семакова урамы, 18 йорт) үтәчәк. Бер көнне һәм бер вакытта Татарстанда, Россия, шулай ук Казахстан һәм Кыргызстан шәһәрләрендә башланачак. Катнашучылар татар теленнән орфографик һәм грамматик хаталарын тикшерер өчен татар әдәбиятының классик язучысы әсәреннән өзек язачаклар. Татар теленнән диктантларны күренекле тел белгечләре һәм профессорлар тикшерәчәк. Белем бирү акциясенең һәр мәйданында диктант текстын атказанган сәнгать эшлекләре, язучылар һәм билгеле алып баручылар укыячак.

Акцияне оештыручылар – Бөтендөнья татар яшьләре форумы, Казан федераль университетының Л.Толстой исемендәге филология һәм мәдәниятара багланышлар институты, “Каюм Насыйри институты” фәнни-белем үзәге, Бөтендөнья татар конгрессы, Татарстан Республикасының яшьләр һәм спорт министрлыгы.

Белешмәләр өчен телефон: 8912-391-59-45 - өлкә яшьләр берлеге җитәкчесе

Сәет ТУСМӨХӘММӘТОВ.