Январь 2020 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
18 январь көнне Ялутор районы, Рауды авылында “Олы тогым” дип аталган зур бер мәҗлес үтте. Бу мәҗлес Гөлминур Әбдекәрим кызы Абдубаковага багышланды – аңа 90 яшь тулды.
Али Шигал улы белән табигатьнең иң матур кочагына кереп урнашкан Рауды авылында гаилә корып җибәрәләр. Үзләренә шатлык өстәп ир балалары Идрис туа. Хәзерге вакытта Идрис үзенең гаиләсе белән Абакан шәһәрендә яши, әнисенең хәлләрен телефон аша сорашып тора.
Гөлминур әби йорт эшләрен әле үзе алып бара, күрше туганнары Динара белән Венера да көн саен исән-саулыгын белешеп торалар.
Һәр ел саен җәйләрен әби үзенең матур итеп җаһазландырылган йортында ерактан килүче иң якыннарын: улын, киленен, оныкларын кунакка көтеп ала. Кунаклар килсә, өй эченә кабат ямь өстәлә.
Ул үзенең тормыш юлын, аның һәрбер кисәген рәхәтләнеп балаларына сөйләп тә бирә. Аллаһыдан бирелгән гомеренә, аны чорнап алган туганнарына, авылдашларына бик рәхмәтле.
Гөлминур әби үзен бәхетле дип саный. Шушы мәҗлестә аңа багышланган ниятлек үткәрелде, аннан соң токымыннан, “Яңа сулыш” телетапшыруыннан, “Сандугач” татар халык җыр ансамбле котлау сүзләре белән бергә җырлар багышладылар.
Зөһрә КОЖЕВНИКОВА, Ялутор шәһәре.