Бәйрәм уңаеннан концерт

Подробности

Опубликовано 06.11.2020 00:00

Просмотров: 499

1 ноябрь көнне Бердюгино авылы мәдәният йортында Халыклар бердәмлеге көне уңаеннан «Дүрт сезон» проектының бәйрәм концерты булып узды.

Бәйрәм чарасы авыл клубы мөдире Елена Галкинаның тантаналы чыгышы белән башланып китте. Авыл халкы исеменнән Елена Михайловна Аслананың «Тамаша» фольклор коллективын сәламләде. Безнең көчебез бердәмлектә булуын билгеләп үтте һәм барыбызга да тынычлык, игелек һәм илебезнең чәчәк атуын теләде.

Бу гаҗәп тә түгел, чөнки Россиянең Халыклар бердәмлеге көне популярлаша бара. Бу көнне күпмилләтле илебезнең бөтен территориясендә бәйрәм концертлары, халык күңел ачулары һәм хәйрия акцияләре уза. Кешеләрне туган ил, аның данлы тарихы өчен горурлык хисе берләштерә. Концерт барган вакытта залда күңел күтәренкелеге хөкем сөрде.

«Тамаша» халык коллективы тамашачыларны үзенең гадәти булмаган программасы белән таң калдырды. Сокландыргыч халык биюләре, яңа костюмнар, җырчыларның сокландыргыч тавышлары беркемне дә битараф калдырмады.

«Дүрт сезон» проекты бәйрәменә багышланган милли ашларның күргәзмә-дегустациясе булды. Монда ни генә юк! Татар чәк-чәге, бавырсак, бәлеш, өчпочмак, кыстыбый, пәрәмәч һәм башка милли ризыклар, шулай ук рус халык ашлары да бар иде. Күргәзмә эше тәмамланганнан соң барлык теләүчеләр дегустациягә чакырылды, бу, һичшиксез, катнашучыларга барыннан да күбрәк ошады.

Илчан ХӨСНЕТДИНОВ,
Ялутор районы, Аслана авылы.