Безнең сәламәтлегебезне саклаучы

Подробности

Опубликовано 26.06.2020 00:00

Просмотров: 436

Тубыл медицина училищесына укырга кереп, аны тәмамлагач, эшкә җибәрелгән – Бибисафа Кәбир кызы Хучанбердиева 1959 елда Вагай районы, Тугыз авыл Советына кергән Красный Яр авылында (хәзер ул авыл юк) туган.

Урыс Сычево авылында ул 1985 елга хәтле эшли, шул елны безнең Индәр авылына эшкә килә. Менә инде 40 елга якын анда эшли.

1981 елның 24 январенда Сабирчан Рәхимчан улы белән гөрләтеп туй ясыйлар. Гаиләдә ике ир бала туа, хәзерге көндә зур уллары Эмиль Сургут шәһәрендә МЧСта эшли, кече уллары Эрик үз гаиләсе белән Тубыл шәһәрендә яши.

Һәр хатын-кыз кебек оста куллы Бибисафа апа аш-суга бик оста, ул яхшы бакчачы да, чәчәкләре гөрләп үсә, кул эшләре белән дә шөгыльләнә, оеклар бәйли.

Бибисафа апа Россия Федерациясенең атказанган медицина хезмәткәре исеменә ия булды. 2013 елда губернатор В.Якушев аны Мактау кәгазе белән бүләкләде. Ул хезмәт ветераны, күптөрле Рәхмәт хатлары белән бүләкләнгән. Аның эш урынын озак еллар инде Майсәрә Марат кызы Сабармәтова чисталыкта тота.

Мин авылдашлар исеменнән аны узган һөнәри бәйрәме белән котлыйм. Исәнлек-саулык, иминлек, сәламәтлек, гаилә бәхете телибез.

Тания АЙБАТОВА, Вагай районы, Индәр авылы.