Декабрь 2017 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
28-29нчы ноябрьдә Тубыл шәһәренең 15нче этномәдәни компонентлы мәктәбендә “Дуслык такыясы” иҗат фестивале үтте.
Мәктәпнең актлар залы тамашачылар һәм катнашучылар белән шыгрым тулы булды. Килгән кунакларны искиткеч матур милли киемнәргә киенгән төрле милләт вәкилләре каршыладылар. Катнашучыларны җылы сүзләр белән 12нче ел рәттән бу фестивальне оештыручы мәктәп директоры Сәет Хисмәтуллин һәм шәһәр мәгариф комитеты рәисе урынбасары Наталья Загваздина сәламләделәр.
Быел да җырлы-биюле, такмак-шигырьләр кертелгән музыкаль композицияләрдә төрле милләт халкының иҗатын күрергә мөмкинлек булды. Сәет Заир улы: “Фестивальдә 300гә якын бала катнашты. Бәйге балаларга иҗат юлларында үзләрен табарга ярдәм итә. Тамашачылар алдында чыгыш ясарга, сәхнәдән курыкмаска өйрәтә. Мондый бәйге–фестивальләрдә яңа талантлар табыла. Безнең төп максатыбыз төрле милләт балаларында үзара дустанә мөнәсәбәтләр тәрбияләү. Мәдәни мирасыбызны саклау, популярлаштыру”, - дип сөйләде. Катнашучылар төрле милләт халкының бай мәдәниятен, фольклорын күрсәттеләр. “Арарат”, “Любавушка”, ”Сударушка”, ”Жар-птица”, ”Истоки”, “Гармония”, ”Привада”, “Фантазия”, “Гармония”, ”Смайлики” ансамбльләренең исемнәре генә түгел, киемнәре дә сокландыргыч иде. Музыкаль композицияләр арасында “Аулак өй”, “Посиделки в деревне Ачиры”, ”Россия –Родина моя” һәм башка чыгышлар җирле фольклор, халык йолалары белән бәйле булды. Фестивальне ачкан 15нче мәктәп укучыларының әйлән–бәйләнендә рус, татар, таҗик, молдован, украин, лезгин халык биюләрен, күз явын алырлык матур костюмнарын сокланып карадылар. Бу чыгыш тамашачыларда тирән тәэсирләр уятты. Сәхнәгә бу биюне куйган Гөлфирә Шәмсетдинованы мактап җылы сүзләр яңгырады.
Чараны оештыручы Гөлнара Янгулова: ”Беренче елларны катнашучылар төрле номинацияләрдә үзләрен сынап карадылар. Быел җырлы-биюле, такмаклар һәм шигырьләр кертелгән чыгышларда төрле милләт вәкилләре үз телләрен, гореф-гадәт, йолаларын халык авыз иҗаты аркылы саклап калганнарын күрсәттеләр. Оста, талантлы чыгышлар күп булды. Дегтярево авыл клубыннан килүчеләрнең чыгышлары алкышларга күмелде. 1нче урынга чыккан Н.Лицман исемендәге 10нчы гимназия, 15нче мәктәп һәм призлы урыннар яулаучылар логотиплы дипломнар һәм кубоклар белән бүләкләнделәр”, - дип сөйләде.
Римма УМИТБАЕВА.