Июль 2020 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
1 июль көнне «Җиңү вакыты» фестивален үткәргәннән соң, тыл фронтында катнашкан Юмашеваны Мөнифә Хөснетдин кызын 90 яшьлек юбилее белән котладылар.
Яңа Александровка авылы башлыгы Владимир Репин сәламәтлек, озын гомер теләп Президент В. Путинның Котлау хатын, ә ветераннар оешмасы рәисе Надежда Атлина истәлекле бүләк тапшырдылар. Тәбрикләүләргә Ваңгы авылының ветераннар оешмасы рәисе Алия Иянова, китапханәче Гөлшат Карымова да кушылдылар, «Яңарыш» вокал төркеме концерт номерлары бүләк иттеләр.
Мөнифә Хөснетдин кызының балачагы һәм яшьлеге авыр сугыш елларында үткән, әтисе һәм олы абыйсы Юмаш сугыштан кайтмыйлар. Әнисе вафат булгач, сеңелләре белән аны балалар йортына алып китәләр. Ул 3 сыйныфны гына тәмамлый, сугыштан соң үз авылына кайта һәм Калинин исемендәге колхозда сыер савучы, бозау караучы булып, пенсиягә кадәр ашханәдә эшли.
Мөнифә Юмашева ире вафатыннан соң, өч кыз тәрбияләп үстергән, барысына да белем биргән, хәзер балалары һәм оныклары уңышларына сөенеп яши.
Хөрмәтле Мөнифә Хөснетдин кызына сәламәтлек, тынычлык, шатлык, иминлек телим!
Фирдәвес МӨХӘММӘДЧИНА. Яркәү районы, Ваңгы авылы.
(Нәсимә ТАШБУЛАТОВА тәрҗемәсе).