Ноябрь 2017 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Төмән өлкәсенең moi-portal.ru яшьләр информацион порталы 2010 елдан бирле эшләп килә. Ул яшьләр өчен актив һәм сәламәт тормыш кыйммәтләрен ачыкларга ярдәм итә, мәдәнияткә мәхәббәт формалаштыра, үсешкә омтылыш тудыра.
Халыклар бердәмлеге көне алдыннан алар “#Без бергә” фотопроектын әзерләделәр. Анда милләте буенча катнаш нык гаиләләр турында сөйләделәр.
Шулар арасында Азат һәм Людмила Гайсиннар да бар. “Ике милләтнең иң яхшысы – балаларга”, - диләр алар.
- Балаларыбыз – Карина һәм Артурга без олыларга һәм хатын-кызларга хөрмәт, туганнар белән аралашу, киң күңеллелек, кунакчыллык кебек сыйфатларны бирергә тырышабыз, - дип сөйли Азат. Тагын да кызыклысы – татарлардагы бәйрәмнәр. Анда күп кеше чакырыла. Мәсәлән, татарлар отпускаларында акчаны экономияләп, һәркайсы туганы бәйрәм итәрлек туй уздыралар. Людмиланың бу бәйрәмнәргә мөнәсәбәте яхшы, берникадәр татар телен дә белә инде. Ә менә 9 яшьлек Карина татар халкы гореф-гадәтләре белән кызыксына, үзлектән татар телен өйрәнә. Монда аңа әтисе, әбисе ярдәм итәләр. Әле вокал һәм бию белән шөгыльләнә. Артур да апасыннан калышмый. Кичен Гайсиннар өстәл уеннары уйнарга яраталар. Ял көннәрендә бергәләшеп уен бүлмәсенә баралар, велосипед, ролик, тюбинг, чаңгыда йөриләр.
Әби һәм бабайлар янына кунакка да кайтырга яраталар. Алар да еш киләләр. Хөрмәт, ышаныч, мәхәббәт – нәкъ менә шул кыйммәтләр белән нык гаилә төзелә дә инде.
moi-portal.ru проектындагы язманы кулланып Гөлнур ВӘЛИЕВА әзерләде.