Январь 2018 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Төмән өлкәсенең 8нче янгынга каршы федераль отрядының 37нче янгыннан коткару бүлекчәсендә хезмәт итүчеләр өчен узган ел җиңел булмый. Кеше гомерен янгыннан, су ташкан вакыт һәм юл һәлакәтеннән коткаручы батырларга узган ел ахырында медальләр, шәһәр хакимиятенең Рәхмәт хатларын тапшырдылар. “Янгында күрсәткән батырлык өчен” медале белән Тубыл шәһәрендә яшәүче һәм күп еллар бу юнәлештә хезмәт итүче Фәрит Әмиров та бүләкләнде. Соң булса да медаль хуҗасына килеп иреште. Батырлык үрнәген күрсәткән якташыбыз узган ел шәһәрнең Ремезов урамындагы ике катлы йортта янгынны сүндерүне, кешеләрне коткару буенча җитәкчелек эшләрен башкаруны оештыра.
Йортның икенче катыннан оператив рәвештә кешеләрне эвакуацияләүне үткәрә. Бүлмәләрне тикшерү, эзләнү нәтиҗәсендә өлкән яшьтәге әби-бабайларны үлемнән коткара. Йортның түшәме, чормасы, ишекләрдәге ялкын коткару эшләрен алып баруда комачаулаганын күреп, ул автобаскыч куллана. Кешеләрне янгынлы йорттан исән-имин чыгара, газлы баллоннардан да котылу карарын кабул итә. Бу хәлне күрүчеләр янгынга каршы эшләүчеләрнең батырлыгы турында горурланып сөйләделәр. Һәрбер кеше үз гаиләсенең, балаларының гомерен саклап калыр өчен сак булырга тиеш. Фәрит Әмировның күрсәткән батырлыгын үрнәк итеп яшь буынга сөйлибез. Сигезенче янгынга каршы федераль отряды хезмәткәрләре башлыгы Игорь Сухобоков котлау вакытында бу юнәлештә эшләүче батыр, тугры, ышанычлы кешеләрнең экстремаль очракларда 180 коткарылган кеше гомере, 160 техноген янгыннарны сүндерүләрен билгеләп үтте.
Римма УМИТБАЕВА.