Июль 2021 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
1941 елның 22 нче июнь таңында фашист Германиясе сугыш игълан итмичә илебезгә һөҗүм итә. Канкойгыч сугыш 1418 көн һәм төн дәвам итә, 27 миллионга якын кеше гомерен алып китә.
Төмән районы, Явызбы авылында Бөек Ватан сугышы ветераннарына, сугыш кырларында һәлак булган авылдашларыбыз, тыл ветераннары хөрмәтенә урнаштырылган мемориал янында Хәтер һәм кайгы көнен искә алып митинг булып узды. Бу изге чараны Шыкча хакимияте башлыгы Рәис Әминов Төмән районы хакимият җитәкчеләре белән берлектә уздырды.
Пандемия вакытын истә тотып, халык саны митингта чикле иде. Катнашучылар арасында олы яшьтәге авылдашларыбыз, сугыш еллары балалары - Галия апа һәм Әгъзам абый Баязитовлар, Галия апа Зөлбохарова, Земфира апа Төхфәтуллина да бар иде.
Ачы сугыш елларының михнәтләрен үз җилкәләрендә татыганлыктан, аларның күзләрендә яшь, күңелләрендә сагыш, якыннарын югалту хатирәсе саклана. «Ил-көннәребез имин, күкләребез аяз, сугышлар кабатланмасын», - ди алар.
Җиңү таңының, тыныч тормышның ничек кадерле икәнен белә алар. Без дә, балаларыбыз да, киләчәк буын да онытмасын иде бу турыда.
Сәлимә АХИЯРОВА,
Төмән районы, Явызбы авылы.