Каләмегездә өметле көчләр бар

Подробности

Опубликовано 08.11.2019 00:00

Просмотров: 934

«Яңарыш»ның өч дистәсе тулуга да елдан азрак вакыт калды. «Соң булса да уң булсын»ны кулланып, уңган кызларыбызны газетаның 29 яше белән бар күңелдән котлыйм. Озын гомер, нык сәламәтлек, ак бәхетләр, абруйлы хезмәт юлыгызны уңышлы казанышлар гына бизәп торуын теләп калам.

Сүз уңаеннан, минем гади иҗатыма карата биргән мәртәбәле бәягез өчен зур рәхмәтемне белдерәм. Ә оста журналист – Рәүфә Кангазинага, дулкынландыргыч мәкаләсе өчен аеруча рәхмәт.

Әгәр дә «Яңарыш» булмаса, шундый кичерешләрне тоеп кинәнер идекмени?.. Шуңа күрә бу хәлне: үҗәт, тыйнак, тырыш, гадел яңарышлыларыбызның 29 ел буена җыйган хезмәт җимешләре дисәк тә ялгыш булмас, дип уйлыйм. Моңа мисал итеп «Яңарыш»ның 20 нче сентябрьдәге 38 санында басылган Мөнир Капшановның «Яңа исем!» дигән кечкенә, ләкин бай эчтәлекле шигырен әйтер идем. Бу шигырь сөекле газетабызның тагын бер табышы булып тоелды һәм аның йогынтысы белән шигырь дә туды.

Фәрит Ермышев шигырьләрен дә куанып укый идек. Нигәдер күренми китте?.. Языгыз, егетләр, каләмегездә өметле көчләр бар.

Якты теләкләр һәм күп сәламнәр белән
Фәхриҗамал УТЯШЕВА, Вагай районы, Птицы районы.