Декабрь 2022 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
«Татарча диктант» белем тикшерү акциясендә Төмән шәһәренең 52 нче Кырынкүл урта мәктәбе быел 3 мәртәбә катнашты. Әлеге җаваплы эшне уздыру «Истоки» татар татар этномәдәни компонентлы мәктәпләр ассоциациясе карары буенча 52 нче мәктәпнең туган тел укытучысы Халидә Кирамовага ышанып тапшырылды. Чара 26 ноябрь көнне иртәнге сәгать 10да башланды. Татар теле кабинетына укытучылар, укучылар үзләренең әти-әниләре, әби-бабайлары, абый-апалары белән җыелдылар.
Аларны мәктәп директоры Алефтина Манкаева бәйрәм белән котлап, диктантны «5»ле билгеләренә генә язуларын теләде. Халидә Хәлидулла кызы диктант язу кагыйдәләре, текстның эчтәлеге белән таныштырды, авыр языла торган сүзләрнең мәгънәләрен аңлатты. 
Ул диктантны туган тел укытучылары Елена Ильясова белән Зифа Галеева тикшереп, билгеләр куячагын да әйтте. Аннары 40ка якын кеше күренекле татар язучысы, тәрҗемәче, журналист, Бөек Ватан сугышы ветераны, хәрби корреспондент Афзал Шамовның хатыннан өзекне яздылар.
Диктант язып, кабат тикшергәннән соң, Алефтина Манкаева татар телебезне үстерү, пропагандалау чарасында катнашкан кунакларга рәхмәтен белдереп, һәркемгә бүләкләр өләште.
Рәүфә КАНГАЗИНА