Төмән өлкәсенең региональ һәм муниципаль китапханәләренең китап фондларын формалаштыруга 2023 елда 7 млн 609 мең сум акча юнәлдереләчәк, шул исәптән федераль бюджеттан әлеге максатларга 2 млн 435 мең сум акча бүлеп бирелгән. Төмән өлкәсе хөкүмәте бергәләшеп финанслау шартларында 5 млн 174 мең сум өсти. Төбәкнең китапханәләре 2023 елда төрле юнәлештәге 16 мең китап алачак.
2022 елда китап фондларын тулыландыруга Төмән өлкәсе китапханәләре 8 млн 376 мең сум акча алган, бу 12 мең китап алырга мөмкинлек биргән.
Менделеев исемендәге Төмән өлкә фәнни китапханәсе 2022 елның январеннан сентябренә кадәр 4 мең 221 данә китап алган инде. Ә Викулово, Ишим, Сладково, Юрга, Яркәү районнары китапханәләре өчен «РОСМЭН», «Эксмо», «Пешком в историю» һәм башка нәшриятлардан 5 меңнән артык китап сатып алына һәм тапшырыла.
Укучылар соравына нигезләнеп, сатып алына торган әдәбият исемлеге төзелә һәм барлык муниципаль китапханәләр белән килешенә.
Гөлнур ВӘЛИЕВА әзерләде