Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Шәһәрнең себер татар мәдәният үзәгендә узган чарага килүчеләрнең күпчелеге өлкән яшьтәге кунаклар иде. Алып баручы Банисә Ниязованың кереш сүзеннән соң, катнашучыларның иң өлкәннәренә сүз бирелде. Мәхмүдә Әминова - “тукац”, “эцле коймак”, Нурия Маметова кош телен пешерү ысуллары белән таныштырды. Тамашачыларын Зөлфинур Юмашева - пәрәмәч, Гөлсем Рябикова - себер татар бавырсаклары, Флорида Марганова - урама, Лилия Захватаева - балыктан, ә Алсу Симонова итле бәлешләре белән сыйладылар. Бәйрәм чарасы татар хатын-кызларының элек-электән аш-су әзерләргә оста, уңган булганнарын яңадан дәлилләде. Яшь катнашучы Лилия Рафаил кызы бәлеш бизәү үрнәкләрен күрсәтте.
Милли ризыклар белән тулы булган бәйрәм табынына кунакларны чакырып, чәйләр эчеп сөйләшеп утырдылар. Бу чараны оештыручы Алсу Симонова: ”Быел катнашучыларның күпчелеге татар мәдәнияте белән кызыксынучылар булды. Элек-электән себердә кунакларны бавырсак белән каршы алалар. Шатлыклы вакыйгаларда камыр ашлары белән табын тулы була. Кунакчыллык татар халкына хас күренеш ул”, - дип чыгыш ясады.
Кунакчыл, ачык йөзле хуҗалар килгән тамашачыларны хуш күреп каршы алдылар. Аш-су пешерүче осталарны Сабан туенда катнашырга чакырдылар.
Римма УИМТБАЕВА.
