Июнь 2017 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Бөек Җиңү көне кысаларында шәһәрнең коммунистлар партиясе бүлеге җитәкчесе Тамара Казанцева исеменнән Әдия Гибадулла кызы Шөгеровага “Сугыш балалары” истәлекле медале һәм таныклык тапшырылды.
Тубыл шәһәрендә яшәүче Әдия апа 1937нче елда туа. Авыр елларда, күп балалы гаиләдә туган кызга тормыш юлында төрле сынаулар кичерергә туры килә. Шәһәрнең 15нче мәктәбенә укырга керә. Укырга теләге зур булса да, укуын дәвам итә алмый, 15 яшендә хезмәт юлын тегү фабрикасында башлый. Тырыш, оста куллы кызны коллективта хөрмәт итәләр.
Ул елларны шәһәрнең тегү фабрикасы җитештергән әйберләрне сораучылар күп була. Осталар тырышып, кызыксынып эшлиләр, план үтиләр. Беренчелекне алучылар арасында Әдия апа да була. Тырыш хезмәте өчен ул Мактау кәгазьләре белән бүләкләнә. Ул: “Яшүсмер елларыбызда сугышның әче хәсрәтен җилкәбездә татыдык. Еллар авыр булса да, безнең бәхетле балачакны сугыш урласа да, кешеләр тырыш булды, яхшылыкка, Җиңүгә ышанып яшәдек. Аннары тормыш юлыбыз эш белән узды. Балалар өчен тырышып гомер кичердек. 5 баланы киендерәсе, аякка бастырасы бар иде”, - диде. Социалистик ярышларда җиңү яулаганы өчен ул медальләр белән бүләкләнә, Хезмәт ветераны исеме бирелә. Тормышта ачык йөзле, кунакчыл, сабыр, нык рухлы Әдия апаның тормыш юлы яшьләргә үрнәк итеп сөйләрлек.
Римма УМИТБАЕВА.