Август 2017 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Авылдашларым, күршеләрем һәм классташым Руфания белән Йосыф лаеклы ялда булсалар да, эшлиләр.
Йосыф гомер буе тегү фабрикасында - механик, ә Руфания - кладовщик. Эштә икесе дә яхшы исәптә.
Җәен ял саен авылга кайтып йөриләр, әти-әниләренең йортын карап торалар. Бакчалары, ишек алды - оҗмахның бер почмагы. Авылда Руфаниянең әти-әнисенә дә барып булышырга өлгерәләр. Йосыф белән Руфания икесе дә эштән ләззәт табып, тормышның ямен табып яшиләр.
Ике яклап туганнары күп. Пар килгән туганнарын, авылдашларын көлеп-елмаеп каршы алып, озатып калалар. Нинди йомыш белән керсәң дә, буш чыгармыйлар. Ике егет үстереп, хәзер оныкларына сөенәләр.
Авылыбызда олы яшьтәге киң күңелле апа-әбиләребез дә бар.Гомерләрен мәктәп, балалар белән бәйләгән, ничә дистә еллап укыткан укытучы Асия апа Гайнанова алгебра-геометрия дәресләрен алып барды. Яңа материалны такта янында аңлатып, аннары: “Бу хәрефне, санны кайдан, ничек килеп чыкканын аңладыгызмы?” – дип, авызга “чәйнәп“ сала иде. Бер тавышын күтәрмичә, йомшак, елмаеп кына аңлата иде дәресләрен.
Рус теле һәм әдәбиятын Нәркәс апа Нәбиуллина укытты. Яңа программалар кертелгәч, авыр вакытлар да булгандыр.
Гөлфәрүз апа Гайнетдинова 30 елга якын авылда хат ташучы булды. Сумка тулы газета-журналлар, хатлар, пенсия акчасы - барысы да көне белән хуҗаларына тапшырылган.
Олы апа-әбиләрне хөрмәтләп балалары карыйлар. Шөкер, зиһеннәре бар, үзләрен йөртәләр.
Зилә РАМАЗАНОВА, Түбән Тәүде районы, Казанлы авылы.