Июль 2020 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
15 нче июнь көнне барлык мәктәпләрдә 9 һәм 11 нче сыйныф укучыларына тантаналы рәвештә аттестатлар тапшыру булып узды.
Тантанада чыгарылыш сыйныф укучылары, укытучылар, ата-аналар катнашты. Аттестатлар белән бергә күп кенә чыгарылыш сыйныф укучыларына һәм аларның әти-әниләренә мәктәп тормышында актив катнашканнары өчен грамоталар һәм Рәхмәт хатлары тапшырылды.
Чыгарылыш сыйныф укучыларыннан һәм аларның әти-әниләреннән ягымлы, зирәк һәм шул ук вакытта игътибарлы укытучылар адресына җылы сүзләр яңгырады. Балалар һәрвакыт янәшәләрендә булган әти-әниләренә рәхмәтләрен белдерделәр.
Эх, вакытның ничек тиз үтеп киткәне сизелми дә калды! Бу көн һәр чыгарылыш сыйныф укучысы, әти-әниләр өчен дә мәңгегә истә калачак!
Кадерле чыгарылыш сыйныф укучылары, сезнең барлык теләкләрегез, планнарыгыз һәм хыялларыгыз чынга ашсын! Хәерле юл!
Ләйлә МАДЬЯРОВА.