Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
17 сентябрьдә сайлау участоклары илебез халкы өчен ишекләрен ачты. Безнең якташларыбыз да үз фикерләрен белдереп, теге яки бу сәяси партия өчен тавыш бирделәр. Тавыш бирү ковид пандемиясенә каршы барлык чараларны үтәп узды. Шәһәрнең 15 нче мәктәбендә урнашкан сайлау участогы комиссиясе рәисе Сәлимә Алыкова: “Бүген эш көне булса да, сайлаучыларның саны аз булмады. Сайлау көннәрендә килә алмаганнар, авырып киткән сайлаучыларның өйләренә барып сайлату мөмкинлеге булды.
Участокларда узган сайлауларны җәмәгатьчеләр һәм видео күзәтү камералары күзәтә. Сайлаучыларның кәефләре яхшы булды, алар “Тубылда Төмән көзе” фестивалендә катнаштылар, бүләкләр алдылар. Иртәнге сигездән кичке сигезгәчә халык килеп торды”, - дип сөйләде. Защитино микрорайонында яшәүче Рефагать Даутов: “Сайлаулар 3 көн дәвамында барса да, мин беренче көнне килдем. Сайлауда катнашу һәркемнең бурычы. Илебезнең киләчәге өчен битараф булмаганнар бу бурычны үтәргә тиешләр. Лотерея уйнатуда катнашмадым”, - диде.
Тубыл районында сайлаулар оешкан төстә уза. Кайбер авылларда халык концерт карап, лотерея уйнатып, истәлекле бүләкләр алып кайталар. Сатылган авылында гомер итүче Кутумовлар гаиләсе: “Быелгы сайлауларда да беренчеләрдән булып без катнаштык. Актив гражданлык позициясенең мөһимлеген һәркемебез белдерергә тиеш. Үзебезнең тавышыбызны биреп, балаларга, оныкларга яхшы киләчәк телибез”, - дип әйттеләр.
Сопра авылыннан Алсу Симонова: “Безнең авыл халкы бик актив. Сайлауларда бердәм катнашып, үз фикерләрен әйтеп кайттылар. Авыл җирлекләрендә дә фестиваль узды, лотерея уйнаттык, бүләкләр алдылар, хокук бозучылар булмады”, - диде.
Римма УМИТБАЕВА
