Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Искиткеч күңелле балалар сабан туе Тубыл шәһәренең 15 нче этномәдәни компонентлы мәктәбендә үтте. Бу матур чараны шәһәр милли-мәдәни автономиясе оештырды. Бәйрәм чарасында шәһәрнең 1, 14, 19 нче санлы мәктәпләр каршында оештырылган балаларны сәламәтләндерү лагерьларына йөрүче укучылар катнаштылар. Балалар сабан туен оештыручы татар милли-мәдәни автономиясе рәисе Сәет Хисмәтуллин: ”Быел унбишенче - юбилейлы сабантуйда катнашучы балалар саны ике йөздән артык булды. Аттракционнарда катнашучы һәр укучы призлар белән бүләкләнде. Мондый бәйрәмнәрдә толерантлык хисләре тәрбияләү, татар мәдәниятенең байлыгы, үзенчәлеге белән таныштыру беренче урында тора”, - дип сөйләде.
Сабантуй кунакларын, тамашачыларын автономия әгъзасы Фәүрия Шәрипова котлады. Ул балаларга сәламәтлек, күңелле, файдалы ял теләде. Бәйрәмдә татар, рус телендә җырлар яңгырады. Укучылар аттракционнарда теләп катнаштылар. Беренче чиратта башка мәктәпләрдән килгән балаларга уйнарга мөмкинлек бирелде. Милли көрәштә катнашучыларның саны күп булды. Барлык милли гореф-гадәтләрне үз эченә алган чарада узыштылар, көрәштеләр, күчтәнәчләр алып, дуслашып, аралашып, күңелле ял итеп таралыштылар.
Римма УМИТБАЕВА.
