Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
21 февральдә бөтен дөньяда Туган тел көне билгеләп үтелә. Төмән районы, Каскара авылы китапханәсендә татар телен һәм мәдәниятен саклауга багышланган «Туган тел» дип исемләнгән мәгълүмат сәгате үткәрелде. Чара бөек татар шагыйре Габдулла Тукайның «Туган тел» шигыреннән башланды. Шагыйрь үзенең туган телен - бөек, колач җитмәслек, тормыш кебек тере дип әйтә. Чөнки туган тел һәр кеше өчен иң кадерле һәм беренче сүзләр – «әни», «әти», «әби», «бабай» һәрвакыт туган телдә әйтелә.
Чарада катнашучылар бөек шагыйрьләребезнең туган тел, Ана, Ватан турында шигырьләрен сәнгатьле итеп сөйләделәр, рус һәм татар телләрендә мәкальләр искә төшерделәр, табышмаклар чиштеләр. Шулай ук Бари Рәхмәтнең «Әби бәлән бабушка» дигән шигырен сәхнәләштерделәр. Биредә автор татар һәм рус әбиләренең күпьеллык ихлас дуслыгы турында сөйли. «Яшьлек» мәдәният сараеның «Дуслык» җыр ансамблендә катнашучылар татар җырларын, такмаклар, татар халкының борынгы төйдереп биюләрен башкардылар.
Халыкара Туган тел көнен билгеләп үткәндә, без дөньяда булган барлык телләргә, мәдәниятләргә хөрмәтебезне белдерәбез. Бу көнне барлык телләр дә тигез дип таныла, чөнки һәрберсе безгә сакларга кирәк булган мирас булып тора.
Дания БАКИЕВА, Төмән районы, Каскара авылы.
(Рәүфә КАНГАЗИНА тәрҗемәсе).
