Ноябрь 2022 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Түбән Тәүде районы, Эске авылында яшәүче хәбәрчебез, дустыбыз Рәхимҗан Муллаковның 6 ноябрьдә юбилейлы туган көне. Рәхимҗан Уразмөхәммәт улы «Яңарыш» газетасын беренче көненнән үк яздыра, яратып укый. Озак еллар газетага Эске авылы яңалыклары, башка темаларга кызыклы мәкаләләр язып җибәрде.
Ул 1947 елда Эске авылында Уразмөхәммәт һәм Гарифә Муллаковлар гаиләсендә өченче – иң кече бала булып туган. Рәхимҗан абый 4 бала атасы, аның 9 оныгы, 4 нәбәрәсе бар. Бүгенге көндә Эскедә олы улы Исфат янында тыныч картлык кичерә.
Кеше намуслы хезмәте белән күркәм. Аның гомуми стажы – 33 ел, хезмәт ветераны, электрчы, киномеханик, клуб мөдире булып та эшләгән. Ялутор совхоз техникумының электр-механик бүлеген тәмамлаган. Башта Эске клубында, аннан соң Чугунаево мәдәният йортында киномеханик вазифасын үти. Чугунаево мәдәният йорты директоры булып эшләгәндә пенсиягә чыга. Лаеклы ялга чыккач та халыкка Чугунаевода кино күрсәтә. Оештыру сәләте бар, моңлы тавышы белән җырларга ярата, бүгенге көндә дә район күләмендә узган конкурсларда, бәйгеләрдә катнаша, урыннар яулый. Авылдашлары арасында зур хөрмәт яулаган. Фидакарь хезмәте өчен «Россиянең мактаулы кинематографчысы» исеменә лаек, Төмән өлкәсе губернаторы Леонид Рокецкийның Мактау грамотасы белән бүләкләнгән. Рәхимҗан абыйга зур рәхмәт, киләчәктә дә яңа мәкаләләре белән укучыларыбызны шатландырыр дигән өметтә калабыз.
Диләфрүз ФӘХРЕТДИНОВА