Материалы

Үсентеләр нигә егыла?

Подробности
Опубликовано 16.04.2021 00:00
Просмотров: 323
последние и лучшие новости искусства в мире

Помидор үсентеләренең астан сабаклары карала һәм егылалар. Бу нинди авыру, үсентеләрне коткарып буламы? Танылган бакчачы Франс ХӘЛИЛОВ:

- Караяк чиренең төп билгеләре: үсентенең төп сабагы каралу, кору. Үсемлек шиңә һәм егыла. Моңа куе чәчү, үсентеләр арасында җил йөрмәү, һава һәм туфракта дымлылыкның югары булуы сәбәпче. Үсентеләрне чирдән саклау максатында чәчәр алдыннан орлыкларны 20-30 минут марганцовканың алсу эремәсенә салып торырга, аннан 3-4 тапкыр суын алыштырып чайкарга кирәк. Чиргә каршы көрәш чаралары: туфракны ел саен алыштыру; әрҗәләрнең эчен 2-3 %лы бакыр купоросы эремәсе белән йогышсызландыру; помидор үсентеләрен вакытында сирәкләп күчерү; аларны җилләтү.

Чирле үсентеләрне шундук алып ташларга, калганнарына марганцовканың алсу эремәсен сибәргә кирәк. Грунтка чыгарганда үсентеләрне җентекләп тикшерергә тырышыгыз. Помидорны ел саен бер урында үстерергә ярамый, чөнки чирне туфракта яшәүче гөмбәчекләр китереп чыгара.

Р.ХӘБИБУЛЛИНА, Яр-Чаллы шәһәре.

Качественная укладка линолеума или как сделать правильно прикатку линолиума