Конкурс

Подробности

Опубликовано 24.10.2014 12:56

Просмотров: 1433

“Шәҗәрәләр - нәсел агачы”

исемендәге I төбәкара фәнни-гамәли конференция нигезләмәсе

Республикакүләм фәнни -гамәли конференция 2014-2023нче елларга Татарстан Республикасы дәүләт телләрен һәм Татарстан Республикасында башка телләрне саклау, өйрәнү һәм үстерү буенча Татарстан Республикасы дәүләт программасын тормышка ашыру, республика уку йортларында, мәктәпләрендә әдәбият өлкәсендә сәләтле балаларны барлау, укучыларда фәнни-эзләнү, тикшеренү күнекмәләре формалаштыру, туган якка мәхәббәт тәрбияләү, татар халкы генеологиясенә, манускриптына (кулъязмаларга), тарихына кызыксыну уяту, күренекле шәхесләренең шәҗәрәсен барлау, өйрәнү, пропагандалау максатыннан үткәрелә.

Максаты: студентларны, укучыларны эзләнү эшләренә тарту.

Бурычлары: катнашучыларда тарихыбызга, татар халкының сынлы сәнгатенә, рухи байлыгыбызга мәхәббәт тәрбияләү;

- фәнни эзләнүләрдә иҗадилыкка омтылыш һәм кызыксыну тудыру;

- татар халкының мәдәни–тарихи мирасын өйрәнүгә омтылыш уяту;

- тугра сәнгатенең үсешенә юнәлеш бирү; -сәләтле балаларны ачыклау. Катнашучылар:

- конференция эшчәнлегендә гомуми белем бирү учреждениеләренең 7-11нче сыйныф укучылары катнаша.

Конференцияне үткәрү шартлары һәм тәртибе:

Конференция 2014 нче елның 20 нче ноябрендә Буа муниципаль районы МБГББУ “Академик Р.З.Сәгъдиев исемендәге гомуми белем бирү белем мәктәбе”ндә үткәрелә.

Конкурсант үзе сайлаган темага чыгыш әзерли (эзләнү эше, шәҗәрә, реферат, тугра, доклад, конкрет методика белән эшкәртелгән практик яки эксперименталь материал булырга мөмкин).

Катнашучыларга эзләнү эшләре түбәндәге юнәлешләрдә тәкъдим ителә:

1. “Туган ягымда - нәсел шәҗәрәсе” (төбәк генеологиясен өйрәнү тәҗрибәсеннән, эзләнү эше)

2. “Җиде буын җылысын сакла” (укучылар төзегән тугра, шәҗәрә үрнәкләре, күргәзмә өчен материаллар тәкъдим итү һәм яклау)

3. “Тамырлары белән көчле безнең халык” (нәселдәге зыялы шәхесләрнең тормышын өйрәнү тәҗрибәсе, буыннан-буынга килгән ядкарьләр, истәлекләр, инша бәйгесе).

4. “Шәҗәрә-истәлекләрдә” (тарихи-мәдәни җирлектә манускриптның үзенчәлеген ачыклау, минем гаиләмдә сакланган гореф-гадәтләр, эзләнү эше).

Катнашырга теләсәгез, эшләрне электрон почталарга сала аласыз: Этот адрес электронной почты защищен от спам-ботов. У вас должен быть включен JavaScript для просмотра.">Этот адрес электронной почты защищен от спам-ботов. У вас должен быть включен JavaScript для просмотра. һәм Этот адрес электронной почты защищен от спам-ботов. У вас должен быть включен JavaScript для просмотра.">Этот адрес электронной почты защищен от спам-ботов. У вас должен быть включен JavaScript для просмотра..

Эшләр татар телендә була, текстның күләме 5 - 7 басма биттән артмаска тиеш. Эзләнү эшендә күрсәтмә материаллар (тугра, шәҗәрә, рәсем, схема һәм карта, таблица, фоторәсемнәр) рөхсәт ителә.

Гөлнур АЙЗАТУЛЛОВА.