Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Күптән түгел губернатор Владимир Якушев Тубыл шәһәрендә булды.
Ул шәһәребезнең предприятие җитәкчеләре, иҗтимагый, хезмәт һәм совет ветераннар оешмалары вәкилләре белән очрашты, шәһәр урамнарын төзекләндерүгә игътибар итте.
Аеруча магистраль юл - М-3тә барган төзелеш эшләренә әһәмият бирде. Монда юл эксплуатациягә тапшырылгач, дүрт тукталыш, ике яңа автобус маршруты ачылачак.
Шәһәрнең иҗтимагый оешма вәкилләре белән 1нче мәктәптә очрашып, губернатор өлкәбезнең перспективалары, башкарылган эшләр турында сөйләде.
Шәһәрнең аскы өлеше урамнары буйлап үткәч, регион башлыгы тубыллыларны чисталыкка, үз йортларында яшәүчеләрне өй алларын төзекләндереп, чисталлыкта тотарга кирәклеге турында әйтте.
Октябрьская урамы, 64нче, 6нчы микрорайондагы 12нче “а” йортлар, балалар өчен җиһазланган мәйданчыклар да аның игътибар үзәгендә булды. Губернатор шәһәрнең 5нче мәктәбендә ремонт нәтиҗәсе белән танышты, 11нче мәктәпне караганнан соң, монда капиталь ремонт кирәклеген әйтте. Микрорайоннарны төзекләндерүне тырыш, пөхтә, җаваплы кешеләргә тапшырырга кирәк, диде.
Тубыл телерадио-компаниясендә оештырылган туры эфирдан Владимир Якушевка шәһәр һәм районда яшәүче якташларыбыз сораулар бирделәр, губернаторның фикерләре белән таныштылар.
Римма УМИТБАЕВА.
