Күрешергә насыйп булмады

Подробности

Опубликовано 19.02.2021 00:00

Просмотров: 434

Минем хатыным Тимербаева Ракия (Раиса) Корман кызы. Кечкенәдән үк аны абыйлары “Рая” дип йөрткәннәр. Мин дә аны соңгы көненә чаклы Рая дип йөрдем. Аның әбисе – өннәсе Янсылу (Җансылу) әби үзенең туганнары белән Столыпин реформасыннан алда Татарстаннан күчеп килгәннәр. Апасының кызы белән Янсылу әби Сәет авылында (хәзерге Яркәү районы) кияүгә чыгалар. Сеңлесенең балалары һәм оныклары Мусагитовлар, сеңлесенең исеме - Кәримә. Фамилияләрен белмибез, туганнары Тагбиршиннар Шатан, Тәрәкән авылларында яшәгәннәр (Яркәү районы).

Янсылу әбинең балалары Вахитовлар булганнар, Ибраһимовлар булырга мөмкин, Раяның әтисенең фамилиясе - Тимербаев. Әбинең 12 баласы булган. Ватан сугышында өч Вахитов ил өчен гомерләрен бирәләр, соңыннан тагын бер Вахитовны, өч Ибраһимовны эзләп таптык. Бер малае 1980 елларда, тагын берсе 1990 елларда үлделәр. Раяның әтисе һәм әнкәсе, Янсылу әби Сәет авылыннан Вәрмәкле авылына күчәләр (хәзерге Тубыл районы). Әтисе 1960 елларны үлгән. Элек Сәет һәм Вәрмәкле авыллары Байкалова районына кергәннәр.

Янсылу әбинең калган балалары кайчан үлгәннәре, үзләренең фамилияләре дә, Татарстанның кайсы районыннан күчеп килгәннәре дә билгесез.

Нурияне Рая гел искә алып сөйли, күрәсе килә иде. Шулай ул аны эзли башлады. Дусты, классташы Фәрзәнә эзләргә булышты. 2020 елның сентябрь айларында Нуриянең адресын тапты. Хатыным Ракия 2020 елның 9 ноябрендә вафат булды. Без Татарстанга барырга җыенган идек. Килеп чыкмады. Ике егет үстердек, хәзер ике оныгыбыз үсә.

Галя (дөрес исеме Гөлсафа Айсат кызы) Төмәндә яши.  

Камил САБИТОВ, Төмән шәһәре.