Рәхмәтлеләр

Подробности

Опубликовано 02.06.2017 08:19

Просмотров: 551

Кыткүл авылы кешеләре кайгы-шатлыкларны бергәләшеп, ярдәмләшеп үткәрәләр.

Җиңү, Өлкәннәр бәйрәмнәренә бала-чагалары, туганнары, дуслары, якыннары җыелышып кайталар. Менә 3 ел инде Хафиз абый белән Фәйрүзә апа, кызы Гайшә, кияүләре Ринат Җиңү бәйрәмен үткәрүдә матди ярдәм күрсәтеп торалар. Бу чарада ярдәм иткән «Молоко» оешмасы, Фәгыйлә Булатова, Фатыйма Фазлуллина, Фәридә, Гөлшат Галямовалар, Рәйсә Фәтхуллина зур өстәл әзерләгәннәр.

Быел көн салкын булу сәбәпле, кайберләре авырып, килүчеләр саны әзрәк булган. Табыннан соң күңел ачулар өлешендә Хәсәнҗан абый, кызы Фәния, кияве Наил матур тавышлары белән җырлар бүләк иттеләр, балалар да җырлары, шигырьләре белән сөендерделәр.

Табыннан калган ризыкларны пакетларга тутырып барсына да өләшеп чыкканнар.

Менә шушы бәйрәмнәрне оештыручы отставкадагы подполковник, хәзерге көндә Каскарада яшәүче Касыйм Бикчәнтаев үз авылының кешеләрен кайгыртып, хөрмәтләп, сөендереп яши.

Авыл халкы һәркайсына бик рәхмәтле.