Язмышлар шулай

Подробности

Опубликовано 03.03.2017 10:04

Просмотров: 635

Авыл халкын, туганнарын, әтисен зур кайгыга салып 2нче февраль көнне Мулланур Солтанали улы Мезралиев якты дөньядан китте.

Яшьлек уйлары белән, үз-үзләрен, ата-ананы уйламыйча, безнең арадан яшьләр бик еш китәләр. Ә Мулланур яхшы, матур бала иде. Армия сафыннан кайтуына  ел да юк әле.

Кызганычка каршы, Мулланурның язмыш юлы шулай язгандыр. Кайгы дигән нәрсә уртак бит, кайгы күрмәгән кеше аз булыр бу дөньяда. Кайгылы көннәр килгәндә үз кайгыларың да яңара. Солтанбай улы Солтаналинең тормыш иптәше Зөлбани Мулланур кызы каты авырып бик яшьли вафат була. Шуннан өч кыз, бер малай әтиләренең канат астында үсәләр. Өй тормышын түкми-чәчми, дөньясын таркатмый сабырлыгы, тырышлыгы белән яшәде.

Кызларын өчесен дә югары уку йортларында укыта. Хәзерге көннәрдә өч кыз укып чыгып үз һөнәрләре буенча эшлиләр. Инде үзләре дә әни кешеләр, яхшы тормыш коралар. Әтиләрен хөрмәт итәләр, килеп, кереп йөриләр. Хәлләреннән килгәнчә булышырга тырышалар. Ул бит аларга әни, әти урынына булды. Әниләрен дә хәтем-догадан өзмиләр. Туганнарына  да ягымлы, ачык йөз белән карыйлар. Җәй көннәрендә бабайларына сагынып оныклары кайта. Солтанали өчен бу бик тә шатлыклы көннәр.

Муллаларыбыз Вәгыйз Мохый улы Абназыровка, Таһир Корман улы Кормановка, Насыйбулла Хәлидулла улы Бәшировка зур рәхмәт. Мулланур бабабызны соңгы юлына озатуда катнашкан авыл халкына, аш әзерләүчеләргә, савыт-саба юып торучыларга, ерак шәһәрләрдән килүчеләргә исәнлек-саулык, зур рәхмәт барысына да. Солтанали Мезралиев, Виктория, Вероника, Мәрфуганың авыр кайгыларын уртаклашабыз.

Бөтен балаларым, тормыш иптәшем Рифкат исеменнән Наилә АБУШЕВА,
Вагай районы, Усак авылы.