Күңелле очрашу

Подробности

Опубликовано 25.12.2015 00:00

Просмотров: 748

Күптән түгел Тубыл шәһәрендә үзенең моңлы җырлары, тамашачылары белән йөрәк серләрен бүлешеп Татарстанның атказанган артисты Хәния Фәрхи очрашу оештырды.

Татарлар белән шыгрым тулы “Синтез” мәдәният сараенда өч сәгать концертын карадык. «әр артист шулай кайгы-хәсрәтен, гаилә тормышын сөйләп җибәрми бит. Ә Хәния апа, әнисе Фәниянең зур югалтулары һәм олы кызы Алиянең оныклары Әминә белән Ясмин, кече кызлары Алсуның август аенда никахлашу туен үткәргәннәре турында сөйләп китте.

Хәния апа элекке җырларын да җырлады. “Бәйрәм” ансамбленең яшь егетләре һәм кызлары биеп, җырлап, юмор сөйләп гаҗәпкә калдырдылар.

Ә тамашачылар Тубыл, Вагай районнарыннан килгәннәр иде.

Концертны оештыручы Фәрит Хәкимовка һәм Хәния Фәрхигә, шулай ук «Бәйрәм» ансамбленә зур рәхмәтебезне белдерәбез. Исән-имин йөреп, гаиләләренә сау-сәламәт кайтып керсеннәр. Юлларда аларны Аллаһы Тәгалә саклап йөртсен. Киләсе елларда тагын да очрашырга язсын.

Тания АЙБАТОВА, Вагай районы, Индәр авылы.