Минем горулыгым

Подробности

Опубликовано 24.02.2017 08:51

Просмотров: 570

Йөрәгемнең иң түрендә,
Иң кадерле әтикәү.
Яхшылыкта, матурлыкта,
Үрнәк миңа әтикәү.

Әтикәвем  минем матур,
Күзләре якты, көләч.
Шундый күңелле була,
Ул өйгә килеп кергәч.

Минем әтикәвемнең исеме Гарифханов Әдип Хәким улы. Әтикәү 1940 нчы елның 20 августында Тубыл районы, Ләчек авылында дөньяга килгән. Аның яшүсмер вакыты авыр сугыш елларына туры килә. Әтисе 1942 елны сугышта Волхов фронтында һәлак була. Әнисе кулында биш ир бала кала – Якуб, Әнвәр, Әбил, Зиннур, Әдип. Иң кечеләре минем әтикәү була. Әнисе барысын да аякка бастырып, кеше итә. Аның әнисе Асия әбигә җиңел булмый, ул көне-төне эшли.

Минем әтикәвем бик тырыш, эшчән, бөтен эшне белә. Ул биш ел буена армия сафында хезмәт итә һәм капитан дәрәҗәсенә җитә. Әтикәү 1967 нче елда В.И.Ленин исемендәге Казан дәүләт университетын тәмамлап, укытучы һөнәрен алган. 1971 нче елда алар әникәү һәм ике кызлары белән Шыкча авылына күчеп киләләр, монда аларның уллары Азат туа. Бөтен гомерен балалар тәрбияләүгә һәм укыту эшенә багышлый. Иң беренче укытучы була, аннан соң Шыкча мәктәбе директоры вазифасын үти. Аның тормыш иптәше, минем әникәвем, Мөнирә Ибәтулла кызы Гарифханова күп еллар укытучы, укыту һәм тәрбия эшләре буенча мәктәп директоры урынбасары булып эшли. Әтикәвем бик тырыш, бөтен эшне белә. Әтикәү журналист та, язучы да. Ул өч китап бастырып чыгарган: “Вакыт һәм үзем турында”, “Халкым горурлыгы”,  “Тарихтагы эзләр”.

Без  аны Ватанны саклаучылар көне белән тәбриклибез. Исәнлек-саулык, озын гомер, тынычлык, шат күңел телибез. Без аны бик яратабыз, ул безгә күп киңәш бирә. Әтикәү безнең өчен зур үрнәк һәм горурлыгыбыз!

Рузалия УРАЗУМБЕТОВА, оныгы, Шыкча урта мәктәбенең
7 нче сыйныф укучысы. Төмән районы.