2018 елда югары уку йортларына укырга кергәндә нинди яңалыклар көтелә?

Подробности

Опубликовано 13.04.2018 00:00

Просмотров: 677

Чыгарылыш сыйныф укучылары быел да өчәр юнәлеш буенча биш югары уку йортына кадәр сайлый ала. Нәрсәләр үзгәрә соң?

1. Читтән торып уку бүлегенә квоталар кими.

2. Бөтенроссия олимпиада нәтиҗәләре 4 ел гамәлдә булачак.

Ягъни 11 сыйныфта, күбрәк олимпиадада катнашып җиңәр өчен, әллә ничәгә ярылырга кирәкми. 9 сыйныфта җиңүче яки призер булсаң, чыгарылыш сыйныфтан соң югары уку йортына укырга кергәндә исәпләнәчәк.

3. Шәхси казанышлар өчен баллар саны кимеде.

Әгәр элек уңышларың өчен югары уку йорты өстәмә 20 балл куя алса, хәзер күп дигәндә 10 балл гына.

4. Югары уку йортлары чыгарылыш иншасы өчен балларны үзләре куя ала.

Бу якынча 1дән алып 10га кадәр өстәмә балл.

5.Көллиятне тәмамлаучыларга югары уку йортына кергәндә БДИ тапшырырга кирәкми. Алар сынау имтиханнарын югары уку йортында тапшырачак.

6. “Гуманитар сферадагы интеллектуаль системалар” юнәлешенә керү шартлары үзгәрде. Хәзер бакалавриатка да, специалитетка да математиканы тапшырырга кирәк.

7. Оешма тарафыннан бирелгән юллама белән укырга керү (ягъни “целевик” булу) шартлары үзгәрә.

Элек мондый укуга килешү ике яклы иде: абитуриент һәм оешма арасында югары уку йорты абитуриентны кабул итә, аннары килешү төзегән оешмага эшкә урнашу юлламасын бирә иде. Хәзер килешү өч яклы булачак: абитуриент, югары уку йорты һәм эш белән тәэмин итүче арасында. Студент яхшы укырга һәм лекцияләргә йөрергә тиеш (бу да шартларның берсе). Җитмәсә, укуны тәмамлаганнан соң, ул килешүдә күрсәтелгән оешмада өч ел эшләргә мәҗбүр.

2018 елда югары уку йорты тарафыннан бүленгән финанслар (бюджет урыннар) бакалавриат, магистратура, аспирантура һәм ординатурада укыячак 575 мең абитуриентка җитәчәк. Бу квотаның күбесен педагогика, сәламәтлек саклау, математика, табигать фәннәре юнәлешендә белгечләр әзерли торган югары уку йортлары ала. Ә икътисад һәм юридик белгечлекләр буенча бюджет урыннары кими.

(“Ялкын”).