Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Сәләтле балаларны үстерү, аларга белем, тәрбия бирү өчен уңай шартлар булдырган Тубыл шәһәренең 15 нче мәктәп укучылары төрле иҗади бәйгеләрдә теләп катнашалар. Җыр-моң сөюче мәктәп укучылары 24 июньдә шәһәр күләмендә “СИБУРның яхшы эшләр формуласы” кысаларында узган “Себер - күп төрле” милләтләр мәдәнияте фестивалендә “Мирас сакчылары” иҗади бәйгедә уңышлы чыгыш ясап, 1 нче урыннарга лаек булдылар. Өлкә күләмендә танылган яшь, талантлы җырчы Эмилия Абайдуллина вокал номинациясендә 1 нче урынга чыкты.
Җитәкчесе Наҗия Хәкимова махсус приз һәм диплом белән бүләкләнде. Мәктәп каршындагы үзенә башка бер сәнгать дөньясында үзләрен таныткан биючеләребез дә сынатмадылар. Аларның матур чыгышлары, сәхнәне тоеп биюләре, костюмнары белән аерылып торулары соклану хисен уятты. Яшь, талантлы биючеләрнең яңа биюләренә югары бәя бирелде. Фестиваль-бәйгедә чыгыш ясаган ”Бусинки” хореография ансамбле (җитәкчеләре Гөлфирә Шәмсетдинова) 2 нче дәрәҗәдәге диплом белән бүләкләнде. Иҗади талантларны ачкан җитәкчеләренә, уңышлы проектларда катнашучы балаларга иҗади уңышлар телибез. Киләчәктә дә яңадан-яңа биек үрләр яуларга язсын!
Римма УМИТБАЕВА
