Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
- Әгәр дә сезне кунакка чакырганнар икән, табын артында утырганда сәясәт, дин, сәламәтлек һәм акча турында сөйләшмәгез. «Күлмәгең матур! Ничә сум тора?» дип сорый калсалар, бәясен әйтмәгез, елмаеп, бүләк иттеләр диегез.
- 12 яшьтән олы һәр кешегә «сез» дип мөрәҗәгать итәргә кирәк. Машина йөртүчегә дә, официантка да «син» дияргә ярамый. Эш урынында, якын танышыгыз булса да, кеше янында сез дип сөйләшегез.
- Халат белән пижаманы өйдә иртән ваннага юынырга кергәндә яки кич белән юынып чыккач, йокларга әзерләнгәндә генә кияләр. Өйдә, гадәттә, футболка, күлмәк, чалбар, итәк кияләр.
- Бала икенче бүлмәдә яши башлагач, аның бүлмә ишеген шакып керә торган булыгыз.
- Целлофан һәм бутикларда бирелгән кәгазь пакетларны кибеттән кайтканда гына тота аласыз, аларны сумка урынына тотып йөрү – саранлык билгесе.
Уңышлы кеше булыр өчен файдалы 7 киңәш
Ни өчен берәүләр уңышлылар рәтендә, ә икенчеләрнең тотынган эшләре барып чыкмый? Ни өчен берәүләр нәтиҗәле яши, ә икенчеләр авырлык белән көн күрә? Бирелгән 7 киңәш сезгә тормышта уңышка ирешергә ярдәм итәр.
1. Вакытыгызны телевизор карап, видеоуеннар уйнап, интернетта утырып уздырмагыз.
2. Эшегездән, хуҗагыздан, хезмәт хакыгыздан, күршеләрегездән зарланып, тормышыгызда бернәрсә дә үзгәртә алмыйсыз. Үз тирәгездә начар энергия генә таратасыз.
3. Баш миегезне «тукландырыгыз». Китап укыгыз, шигырьләр ятлагыз, чит тел үзләштерегез.
4. Киләчәгегезне планлаштырыгыз. Бүгенге белән яшәү, әлбәттә, рәхәт, әмма алдагы көннән син нәрсә көтәсең? Максатсыз кеше океанда адашкан көймә кебек. Яхшы һава торышын сез үзегез ясыйсыз.
5. Вакытыгызны үсәргә комачаулый торган кешеләр белән аралашуга әрәм итмәгез.
6. Телефонга бәйлелегегезне танырга вакыт.
7. Акчагызны кирәк нәрсәгә генә тотыгыз. «Миңа кирәк» белән «мин телим» арасында аерма зур. Соңгы модель гаджет алыр өчен күпләр кредитка бата. Чынлыкта безгә су, ризык, баш өстендә түбә, яныңда яраткан кешең, якыннарың булу кирәк. Калганнары – бонуслар гына.
(“Шәһри Казан”)
